無論係ELB（或EB）、FOA、LS，都係由YFF 經理人大賽洐生出黎既「一場過鬥高分」既遊戲。
源於當年YFF 既系統好唔穩定。經常有出錯。例如大減價時段，令部分玩家可以好平咁買到某D 高分球員。製造好多不公平現象。於是攪到大家玩得好唔盡興，意興闌珊。有見及此，當年大家諗左一d 遊戲出黎比其他會員重新投入yff 既樂趣當中。例如「扒冷大賽」。ELB 就係咁誔生。
第一次出現既，其實唔係ELB。係LS！即係LAST SHOOTING 大賽。係YFF 最尾既一場賽事中加插既比賽。玩法超簡單。大家一齊開過隊新隊。係最尾一場，全部用現價買人。簡簡單單鬥高分。玩法雖然簡單，但正正切合當時買人唔公平既問題，大家拋開以前所有枷鎖。全部係同一條件下作賽。所以反應空前咁熱烈，完全出乎大家意料。
所以係再跟住個季，我地就繼續添食。用第一場黎再辦多一次呢個遊戲。由於係第一場，個比賽名稱就好難再叫做「LAST SHOOTING」。於是我地改稱為FOA，First of all！但今次既玩法又有變！因為第一次玩LS 個陣，部分玩家玩牙較戰。互相挑戰（後來稱之為桃機）。令遊戲變得更精采。所以今次大會正式將呢種挑機既行為納入去成為遊戲既一部分。稱之為個人名義挑戰賽！挑機最多又羸得最多場次個個就可以封王！是為「隻揪之王」！
但問題黎啦。唔係個個會員都咁有錢架嘛（當年物質缺乏，大家既好友元都係講緊幾千幾百，連報名費個一千蚊都好辛苦先儲到，邊似宜家人人郁D 都幾十萬身家），於是我鼓勵幾位稍為有家底既會員，創立自己既門派。出資資助呢D 玩家挑戰其他人。當然，受資助者要以該門派既名義出戰。為門派爭光！於是，除左個人名義挑戰賽，又出現埋團體名義挑戰賽。當年玩得好不熱鬧。
然後玩下玩下，季頭季尾攪都唔夠喉，季中都話要玩。咁就出現宜家呢個ELB，everlasting battle！去到呢個，成個遊戲已經變得好嚴密！好具規模！隻揪之王外，又有群揪之王。即係團體同團體互相對戰。各派數名代表，以一對一既形式比賽。邊派勝出既場次最多，個派就係「群揪之王」。慢慢地，幾乎所有玩家都已經入哂組，根本都無人係獨立參賽人士。於是隻揪之王就慢慢淡出。變成只有團體名義個人賽，同團體群揪賽兩個大類別！至於門派，有d 只係可以生存一屆，比人打到落花流水之後，第二屆就已經消失得無影無踪。有d 就可以一代承接一代咁每年都組隊參賽。
比較出名同歷史悠久既，包括好友皇朝（中間曾經改名聖統皇朝）、復仇者（中間曾經改名……但唔記得咩名……）、PLG（perfect leader group，從未改名）。新興既有屈機聯。其他煙沒左既有「無比迪」、「傻仔聯盟」（仲有比比好似有個唔知咩秘密社團之類）……前前後後都出現過十個八個不同既幫派，十分熱鬧！
但由於本人事忙，攪一個咁既大型遊戲又勁花時間（係比賽期間個一兩個星期，日日要16小時on line 同大家登記約戰情況）。近幾年已經愈黎愈少攪呢個比賽。前兩年為振興好友既aveego 版。又再攪過。前後兩次。然後，又再煙沒於好友之間。期間，不少好友曾詢問幾時可以再攪，都因為擔心自己應付唔黎而不了了之………
今次，難得仲版肯咩起呢個咁大既重擔，挺身而出。我可以安安樂樂做參賽者。當然樂於支持啦。今年既ELB，你想加入邊個幫派，定係自己創立一個新宗派，係好友留名！寫下光輝既一頁呀？
[ 此帖被freezefox在2013-05-24 14:21重新編輯 ]
