其實我唔係太介意古代唔似古代, 會否影響歷史果度合唔合邏輯(因為呢樣跟本冇定案), 跟唔跟足史實亦冇所謂, 因為係笑片埋, 其實拍得夠搞笑就可以了,
之但係佢又好似唔係好甘心拍笑片咁, 又想搞笑之餘搞到史詩式巨著....咁咪就係眼高手低囉, 諗住拍套尋秦記出黎? 咪玩啦, 先唔講卡士同製作費, 淨係劇本都羸哂啦, 尋秦記係黃易咁多小說中故事性最完整的一套, 成名的專業作家顛峰之作你點羸人?
其實一心要拍笑片就應該玩得盡D顛D, 猜妹打邊爐玩啤牌呢D咪行啱方向囉, 結局都應該黎個瘋狂D, 例如講劉關張突然黎哂, "大哥, 我地唔係係澡堂隊緊啤架咩? 仲乜突然跌左落黎?" 跟住大字幕出, 欲知後事如何, 留意下集劉關張大鬧香港~~~~~~
