為求CUT有線，你可以去到幾盡? [復制鏈接]

阿童木:
幾年前，我同事fax極 cut－form都話收唔到， 後尾佢用電腦幾秒send一張，幾分鐘後有線主動聯絡話收到唔使再send [表情]

上次仲記得有線個主席吳天海， 話當時電話system upgrade緊先會聽漏電話，唔經唔覺都成4， 5年了，睇嚟仲upgrade緊

呢到已經好多受害者

呢間野真係cheap 到不得鳥....

希望今次之後多左人留意，有線會反省下  如果唔係下次真係比人放炸彈都唔定

http://hk.apple.nextmedia.com/enews/realtime/20140922/52930275

今早於有線發生刀客持刀闖入事件，更有保安員受傷。有消息指該名男子有情緒病紀錄，事件起因係因為cut唔到有線。

Cut唔到有線已經唔係新聞，相反先至係。就連大狀翁靜晶，都要喺fb悲歎連佢都cut唔到有線(新聞連結 : )。今早發生嘅刀客事件，翁靜晶亦有所聞，頭先佢接受本報電話訪問，一講，就停唔到怒火:「就算結咗婚，你幾慘痛都好，離婚都有個程序，你可以去法庭申請，你可以有一個既定嘅程式去解決你唔想要嘅婚姻；甚至你個人迷信嘅話你俾鬼纏身你可以搵驅魔人或者去教堂，但係你纏上咗有線，真係有條線喺度，你剪條線非常之難。」

翁靜晶續道:「基本上你唔知有乜嘢方法可以解決，因為每一次你跟足佢嘅程序，好似寫信通知書面通知，已經好精0架蓋埋印，你唔好話寄俾你……因為我試過有同事貪方便寄啦，寄咗之後佢(有線)就話冇收到喎!你話:『唔係喎，我寄咗又fax咗，我有fax咗而你哋又收到嘅紀錄喎。』但係你口同鼻拗，佢話冇收到，咁你冇計啦。」

其實翁靜晶都已經好醒，搵埋人上門親到有線交form cut線，連解碼器都已經交晒返去喇，點知:「佢哋話俾你聽，佢哋嘅程序，你都係唔符合嘅，依然係要俾錢，令你個人好沮喪，唔知點樣去解決呢件事。根本你連遙控同機頂盒你都交晒返去，全部都俾番晒佢，好明顯你都已經用唔到呢個服務0架喇，但係你依然解除唔到，你依然要俾月費，好辛苦……因為你好多人都要返工，你唔係可以有好多人咁幫你服務，有秘書有司機咁大棚人去service你，你要自己去handle cut線呢啲嘢，咁你就會好慘囉。我其實有班同事有司機有秘書幫我去cut 0架喇，但係都搞咗咁耐，最後都係cut唔到要出律師信。」

咁最後搞咗幾耐先cut到？翁靜晶話:「起碼都搞咗兩個幾月，不斷咁搞，都係cut唔到，最後真係忍無可忍，真係要出律師信，諗住上法庭0架喇，嗰陣《蘋果》報道咗，咁啱佢哋又見到，見事情鬧大咗，咁最後先至cut咗。」

-------------------------------------------------------------------------
睇黎要打去「怪談」 問佢點至CUT 到有線

聽眾A: 我明明不斷FAX左去熱線而個ＦＡＸ　ＲＥＰＯＲＴ　話收到，　但供應商依然話係收唔到喎… 我想問條熱線係唔係俾Ｄ野上左身所以通左去靈界呀？？　如果係的話, 咁如果我用條熱條FAX 去話俾叔公知我已經燒左最新一期既 「魚蝦蟹」俾佢佢收唔收到架?? 定以後可以直接FAX 本「魚蝦蟹」俾佢呀?

聽眾B: 我已經搵埋人上門親身到供應商交form cut線，連解碼器都已經交晒返去喇，點知供應商依然話係收唔到喎… 其實我當日見到既「職員」其實係唔係一個靈體黎架咋? 請問有D 咩方法化解呀??

麥精:[表情]  (2014-09-22 21:03) 

有線間公司衰者，有線員工，尤其係新聞部，都係好好既。

九倉都係出咗名衰

myrmidon:九倉都係出咗名衰 [表情]  (2014-09-23 11:02) 

其實無咩邊個大集團係好，分別只係衰、好衰、同勁衰。

http://news2.mingpao.com/pns/%E7%B6%B2%E7%AB%99%E6%96%B7%E7%B4%84%E5%8A%9F%E8%83%BD%E7%AA%81%E3%80%8C%E5%BE%A9%E6%B4%BB%E3%80%8D/web_tc/article/20140923/s00002/1411409552130

網站斷約功能突「復活」

【明報專訊】有線電視客戶何先生，兩年前已想終止有線服務，但試過網上登記、打電話，甚至親往門市都不得要領，至昨早傷人案後，他嘗試再上有線網頁，發現上週按入後只彈出客戶服務熱線的「終止服務」一項，昨傍晚卻「突然」提供終止服務的功能，何二話不說辦理相關手續，約5分鐘就完成，他說終有望與有線「分手」，感到十分激動。

何說，上週四曾登入有線網上客戶平台，選擇「終止服務」一項，但當時版面僅顯示「請致電客戶服務熱線」。他說，以往致電熱線無數次，但接線員只遊說他續約，而親往門市查詢時，職員卻只給他一張寫有客戶服務熱線電話號碼的紙條，令他感到被耍。

昨發生傷人案後，何先生傍晚再登入有線網上客戶平台，卻出現不同的畫面，提供終止服務登記，最後網頁顯示3個工作天內處理其申請，於7天內郵寄終止服務確認信。何稱這畫面前所未見，終令他有望斬斷與有線糾纏多年的關係。

翁靜晶：斷約比離婚難

另外，現為執業律師的前影星翁靜晶，去年11月亦曾因終止有線合約而飽受折騰，她說，丈夫劉家良去世後，為免觸景傷情而欲終止有線合約，發現客戶熱線總是打不通，郵遞終止服務表格，有線卻堅稱收不到，她甚至安排司機親自將解碼器交還門市，卻繼續被收月費，結果要發律師信，有線才願意退回半個月月費。翁形容與有線斷絕關係比結束感情關係更困難，「離婚手續尚且清晰，但我永遠不知道有線下一個龍門放在哪！」



斷約比離婚難

迪神:http://news2.mingpao.com/pns/%E7%B6%B2%E7%AB%99%E6%96%B7%E7%B4%84%E5%8A%9F%E8%83%BD%E7%AA%81%E3%80%8C%E5%BE%A9%E6%B4%BB%E3%80%8D/web_tc/article/20140923/s00002/1411409552130
網站斷約功能突「復活」
【明報專訊】有線電視客戶何先生，兩年前已想終止有線服務， .. (2014-09-23 11:19) 

睇黎呢幾日會係同有線分手的最佳機會。

freezefox:睇黎呢幾日會係同有線分手的最佳機會。[表情] (2014-09-23 11:24) 

係咪要咁岩合約到期至有得搞，如果仲有長約你無理據架喎。

國球旗:[圖片] (2014-09-23 11:06)