[英超]李斯特城奪得英超冠軍後九個月宣佈解僱領隊雲尼亞里 [復制鏈接]

Ajax:以今季的戰績, 叫班主點信雲尼亞里??
唔好成日J上季奪冠做擋箭牌
....... (2017-02-24 22:57) 

話就話熱刺呢幾年一出一入用左10M
但成個青訓同球員薪金高李城唔止一皮
有時睇野唔可以咁表面
同埋用熱刺拉埋隊升班馬比會唔會太....
定係你當佢地係冠軍級數

【now.com體育】李斯特城周四晚宣佈辭退領隊雲尼亞里，英國傳媒報道，球會的泰國班主維猜在當日早上曾與一班球員會面，而部分球員疑似「篤背脊」，終令雲帥飯碗不保。

上季爆大冷贏得英超冠軍的李斯特城，今季兼顧聯賽與歐聯兩邊戰線下「打回原形」，目前在聯賽榜只排第17位，仍未擺脫降班危機；球會在當地時間周四晚上就發出聲明，正式宣佈與領隊雲尼亞里「分手」。

據英國《天空體育》報道，事實上，李斯特城班主維猜在周四早上曾約見李城球員，向他們了解球隊狀況，而部分資歷較深的球員向班主指出，雲帥與其助教團隊關係破裂。此外，亦有傳聞指，李城球員們亦對雲帥周中歐聯用人感到不滿；球隊16強首回合作客以1:2不敵西維爾，雲帥堅持起用狀態平平的阿密特穆沙，未有讓潛質新星迪馬雷格雷擔大旗。

雲帥被炒後，由何人取代其位置眾說紛紜，包括格蘭及軒迪克兩位前車路士主帥，都是傳聞繼任人選；不過，據了解，目前以前曼城領隊文仙尼的呼聲最高。更耐人尋味的是，有球迷在維猜的Instagram留言，呼籲他聘任文仙尼救亡，維猜就被發現在該留言按了「讚」。

不過，帳戶很快再有更新；宣佈辭退雲帥後飽受各界抨擊的維猜，表示將不再使用社交媒體：「感謝我們的追隨者，在任何情況都明白及支持我的各位；你看到的事情，只是球會能夠向公眾展示的其中一部分……請尊重我的決定；我永遠不會放棄球會，我這7年來付出的努力，在各方面都帶領球會變得更好。我希望藉這機會，與IG道別；就如你們所希望的，你們不會再在IG看到我。」

godkiu:你有冇睇LEI D比賽嫁? 好明顯班球員冇心幫佢踢啦 唔換領隊降硬班  (2017-02-24 15:24) 

無全部睇，但都睇左幾場。
班球員唔係無心，係無力，不論係體力同埋壓力。
李城係小球會，無足夠資源同經驗應付兩條戰線，仲要背負衛冕的壓力，球員身心俱疲，其他球隊對佢地亦識得針對性部署，佢地本來的優勢無哂，球員在場上與其話佢地無心，其實係患得患失。領隊有無責任？當然有，但唔應該全部罪責由佢孭哂，呢d 係根本性問題，就算洗幾多錢都唔可以一時三刻解決。

或者咁講，如果上年雲尼阿里唔係幫李斯特城拎左個冠軍。今年李斯特城咁既表現同成績，大家都會覺得好理所當然的。

Ajax:以今季的戰績, 叫班主點信雲尼亞里??
唔好成日J上季奪冠做擋箭牌
....... (2017-02-24 22:57) 

未夠一年都唔俾J下?
又唔係J緊10年前既事
講真，車同雙曼奪冠都唔只洗左李城呢兩季既錢啦
雲尼亞里為李城爭取到既成績絕對夠抵降班

Ajax:睇黎我係少數支持炒雲尼亞里的人[表情] [表情] [表情]
咩就算降班都抵...有無考慮班主感受[表情] [表情] [表情]
....... (2017-02-24 19:44) 

即係，上年你同老細搵到個大客，賺左一大筆錢。係呢間公司開張以黎最大既一個客。

你間公司只係一間蚊型公司，靠你先簽到呢個大客！真係幾生修到。呢世都未必可以再遇既奇蹟！

係呢個情況下，我相信你都會覺得自己係公司既大功臣！老細應該會好好報答你先岩。


好衰唔衰，今年撞正環球經濟衰落，公司業績一落千丈。未至於蝕既，僅僅平手吧！然後你老細第一時間炒左你！





如果你係呢個咁既情況下，都講得出一句：「咁我地都要顧下老細既感受既！」咁我無說話好講了。

對李斯特城好失望，好無人情味

拎到一次英超係好難，強如利物浦，

係英超廿幾年都做唔到既成就

呢個英超冠軍，好可能係唯一一次

要降班都抵，咁既班腳依家排十七唔過份

老細個個感受都要顧就唔使做啦
佢都唔係極草率作出判斷啦 係就唔使等呢刻

佢認為炒領隊係可以解求球隊的方法
如果唔作出呢步 佢認為會好大機會降班 咁係咪要死攬個有好偉大功蹟的領隊 降班都算啦 我願意咁??

而家唔係僅僅平手 差1分就跌入尾3
好啦 比你唔炒 季尾真係降班 係咪話 "咁班底其實好合理"? "拎到冠軍降班都抵啦"?

在情 唔應該炒
在理 就睇老細的判斷

freezefox:或者咁講，如果上年雲尼阿里唔係幫李斯特城拎左個冠軍。今年李斯特城咁既表現同成績，大家都會覺得好理所當然的。
 (2017-02-25 11:30) 

呢點我認同 expectation management

所以雲加立不敗之地lol

Ajax:你呢D咪馬後炮囉[表情]
同樣領隊..都係果個班底
....... (2017-02-24 20:40) 

同樣領隊，同一個班底，再之前個年排第十四呀！

然後再之前一年係英冠打緊呀。呢隊係一隊原來只係英冠作賽既既升班馬黎架咋。佢既料子本來就係升班馬，上上落落既料子黎架啦。佢拎左一年冠軍之後，大家就好似唔記得左佢本來係咩班底。下下拎佢黎同曼聯車仔比較！大佬，資金、歷史、規模，一天一地呀！點比呀？你即係搵樓下茶餐廰黎同美心比者！

上年拎冠軍。大家都話呢個係奇蹟！知唔知咩奇蹟呀？即係無人諗到會發生，大家都認為無可能會發生既事呀。年年都會出現既就唔叫奇蹟，叫往蹟啦！

Ajax:以今季的戰績, 叫班主點信雲尼亞里??
唔好成日J上季奪冠做擋箭牌
....... (2017-02-24 22:57) 

原來係你眼中，熱刺同李斯特城係同級數既球會⋯⋯⋯咁我明白了。

其實，就算降班
以雲尼亞里實力同李城班底
班主又唔係冇$
拎英冠冠軍再升班其實機會都幾大

根本就係泰仔老闆冇耐性/已經揾到人接手
歐聯未出局都照炒

其實雲尼亞里一早就知到，班主也好，球迷也好，己經被個一個奇蹟般既冠軍遮住雙眼了。對李斯特城既期望，己經變得不切實際了。



佢拎左冠軍之後，下一個目標，本來早早就講明只係護級咋（排第十）⋯⋯⋯⋯係你地無人聽得入耳，無人信者。其實佢係講緊真心話架。

等等先

而家係班球員集體反佢喎

做領隊鎮唔住個更衣室，唔炒佢仲可以點？炒左班球員佢？

英俊:等等先
而家係班球員集體反佢喎
做領隊鎮唔住個更衣室，唔炒佢仲可以點？炒左班球員佢？[表情]  (2017-02-25 13:10) 

點睇到係球員集體反佢？


另外，點解球員要集團反佢？