１２月７日 星期三 （香港時間）
紅字：焦點賽事
０３：４５ Ｅ組 車路士 對 華倫西亞
０３：４５ Ｅ組 亨克 對 利華古遜利華古遜已經出線，但首名身份未確認，
所以作客對亨克，相信繼續會 Full Team 作戰，
全取三分機會仍然高企。
車路士同華倫西亞兩隊只能活一隊，近況上車路士肯定係較差既一方，
近五戰輸四場，仲要對利物浦同利華古遜都係最後失守。
華倫西亞近況大勇，車仔就算有主場之利都無必勝把握。
華倫西亞雖然首回合主場一比一打和，但依家華倫西亞入波數字係高過車仔，
所以呢場華倫西亞唔駛一定要贏波，只要一比一、二比二都可以出線，
尤其作客我更加比較睇好華倫西亞。
０３：４５ Ｆ組 多蒙特 對 馬賽
０３：４５ Ｆ組 奧林比亞高斯 對 阿仙奴呢一組次名之爭其實得馬賽同奧林比亞高斯，雖然多蒙特數字上有權力追，
但要主場贏馬賽四球以上，同時阿仙奴要幫手贏波先得。
集中講返馬賽同奧林比亞高斯既形勢，
阿仙奴首名出線，加上之後要對愛華頓，相信會用唔少副選出戰，
奧林比亞高斯至少相信可以取得一分；
馬賽今屆作客成績超勝主場，作客保持不敗，加上首回合曾經大勝三比零。
而且另一個優勢係多蒙特對阿仙奴時兩大中場葛斯同賓達一齊受傷，
馬賽有機會係三隊之中脫穎而出。
０３：４５ Ｇ組 尼科西亞 對 薩克達
０３：４５ Ｇ組 波圖 對 辛尼特呢組，除塞浦路斯既尼科西亞外，另外三隊實力接近。
有邊個估到排榜首係新丁，可以力壓三支前歐協 / 歐霸杯冠軍球隊：
零八冠軍辛尼特、零九冠軍薩克達、一一年冠軍波圖。
波圖今場只要贏波就出線，加上波圖主場表現，應該會秤高。
另一場只係例行公事。
０３：４５ Ｈ組 巴塞隆拿 對 巴迪
０３：４５ Ｈ組 柏辛域陀尼亞 對 ＡＣ米蘭呢組係八組之中最先決出十六強，連首次名都早早定出，不提也罷。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
１２月８日 星期四 （香港時間）
０３：４５ Ａ組 曼城 對 拜仁慕尼黑
０３：４５ Ａ組 維拉利爾 對 拿破里拜仁係呢組簡直可以用「鶴立雞群」黎形容，估唔到最後一場作客對曼城係例行公事。
呢場賽事，拜仁有條件出副選出戰，但我相信拜仁唔會咁做。
拜仁既主席一早已經表示一定會全力將曼城踢出歐冠杯，
而且更重要係確保未來拜仁同德甲既積分系數上更有利。
所以可以預期呢場波曼城絕對唔會因為拜仁已經出線而有任何優勢；
加上暫時排次席既拿玻里只需勝出就篤定出線，
正如曼城領隊文仙尼都只話球隊得三成出線機會，
睇黎曼城歐冠杯之旅係時候要下馬了。
０３：４５ Ｂ組 國際米蘭 對 莫斯科中央陸軍
０３：４５ Ｂ組 里爾 對 特拉布宗呢組形勢睇似複雜，但其實好簡單，
只需要睇里爾對特拉布宗呢場就清楚哂。
呢場既勝方，一定可以次名出線。
莫斯科中央陸軍要出線，得一個可能性，
就係贏波加上另一場和波，任何其他組合都唔可以。
０３：４５ Ｃ組 賓菲加 對 加拉治
０３：４５ Ｃ組 巴素利 對 曼聯同利華古遜情況一樣，賓菲加一樣已經出線，同為確保首名資格，
最後一場應該會主力出擊，加上加拉治真係好廢，
應該無阻賓菲加首名資格。
巴素利作客對曼聯踢出三比三既代表作，亦令曼聯跌入近十年黎最大既出局邊緣。
不過曼聯係大賽球隊，而且有積分上既優勢，即使曼聯作客我亦比較睇好。
最大問題係，巴素利防守力薄弱，主場又一定要贏既情況下，
最理性既推斷，經驗老到既曼聯應該可以博到次名出線。
０３：４５ Ｄ組 阿積士 對 皇家馬德里
０３：４５ Ｄ組 薩格勒布戴拿模 對 里昂皇馬既情況同拜仁一樣，同組根本無對手，所以輕易確保首名出線。
阿積士同里昂既兩場對賽成績一樣，但阿積士比里昂多三分，
換句話說一分已經足夠出線。
雖然阿積士最後一場對皇馬，輸波機會都幾大。
但好明顯，就算阿積士今場輸波，因為里昂作客需要大勝四五球，
只要唔大比數落敗，阿積士準備定十六強都得啦
[ 本文被啪啪啪啪啪啪在25-11-2011 15:56重新編輯 ]
