咁我都最後講埋呢次, 你當我長氣啦, 因為一, 橫貫都講左咁多咁差在講埋最後少少,
二, 因為真係有好多好友同我反映....
到今朝起身, 我又再收到幾個PM, 同埋昨晚的MSN, 真係有十幾個活躍的好友們對你都極度有意見,
係無論係論壇上定係出到黎聚會.
我冇見過你, 佢地唔講我唔知你出到黎係點。
當然, 你可以繼續話之佢繼續我行我素, 我地係完全唔能夠改變同阻止, 但係同時,
你可唔可以稍稍花一點時間諗下點解大家對你咁不滿, 但仍能息事寧人, 唔公開向你發炮?
真係因為買你怕?
係因為呢度係好友論壇。
因為呢度的獨特文化, 大家唔想破壞呢度的和諧氣氛, 亦都珍惜同你咁耐的相處, 一出聲就會對罵,
唔想破壞咁耐以黎的關係, 亦有更簡單的唔想做醜人。
咁我做開就繼續做醜人啦~
"arso呢個角色係好友唔係剩得負面吧 "
你講呢句明顯你只係諗點反駁而唔係反省, 每個人都唔可能只得負面, 一個殺人不眨眼打老婆的毒販
都可以係愛護小動物的....
這些苦口婆心的說教話從來都吃力不討好, 又悶又難入耳,
但, 我從來未係其他論壇見過呢類說話出現, 我相信你都應該係?
你都係一個思想獨立的人, 係咪應該借此反思下, 珍惜呢個壇所帶俾你的? 咁多人對你不滿,
係第二個壇你會變成點? 大家的反應又會唔會咁收歛?
有人係想同你做朋友的, 係論壇好, 係社會生存都好, 一定須要入社群靠朋友, 當然曹操都有知心友,
但搞到自己充滿稜角, 生人勿近又何必? 唔係人人都會明刀明槍的。
