引用第71樓→※Pong※←於2012-05-02 12:09發表的“”:
有時多人好多意見, 唔係咁容易的 [表情]
呢個係關鍵。
我上兩個星期去日本就係親身經歷到。
我係到既時候，我做決定。大家相安無事的。我唔係到（因為部分行程分開玩），佢地無人做決定，連食個飯都攪到尼咁HEA！唔係話大家多多要求難遷就，相反，就係無人有要求，但又無人肯企出黎做決定。於是樣樣都拖泥帶水。攪好耐都未決定到。
好似食飯，明知個到無咩特別野食，都費時浪費時間揀。見邊間順眼就邊間。個餐求飽肚唔係求食好野，最梗要快同簡單。唔好阻住個行程。我通常二話不說就決定一間然後動身。
試過因為分散左，大家分開食晚飯（但都係係吉祥寺）。結果我地食完走人（仲要食得好滿意），佢地成班都仲係條街到行緊，呢間好唔好個間好唔好咁拖左成個鐘………最尾千揀萬揀偏偏又揀正間黑店（真唔好彩）………食到一肚氣咁走………
我又試過，大家一齊食完飯。一陣落停車場開車走人。結果我返到酒店成個鐘後先見到佢地返。問佢地攪咩鬼明明到上車架啦，可以遲我成個鐘既？原來阿邊個邊個臨上車要去厠所。邊個邊個又要去7仔買野，邊個邊個話7仔無野買要去LAWSON 買………
所以，一定一定要有個人企出黎做話事個個，唔係你成個團D 時間就會係不知不覺間全部浪費哂係D 唔等哂既野到。
