幻想之作！假如莫耶斯去睇風水，會有咩趣事？ [復制鏈接]

蘇師傅是著名風水師，很多名人都會找他看風水，今日，有幾位來自英國的客人搭飛機過來，希望可以找蘇師傅指點迷津。



蘇師傅專幫人解決問題，但問到點解楊怡個鼻越來越挺，我諗佢都答唔出。

第一位入去見蘇師傅的叫阿巴莫域治，他十年前買到架名車，但這架車經常發生意外，害得阿巴不知如何是好。
阿巴把名車的照片交給蘇師傅一看，然後說：「蘇師傅，你救救我！我懷疑有污糟嘢住喺架車度！」

蘇師傅問道：「你發生過咩意外？用過咩方法？」

阿巴說：「問題就多了！我幾年前買咗部費托引擎返嚟，佢明明係最新最好嘅型號嚟，但一裝咗上去，架車就死火！我試過擺肥安像同波仔符都冇用！


除咗我有次請迪馬堤奧返嚟做司機之外冇事，如果我揸的話，輕則死火，重則炒車！」

蘇師傅深思地說：「咁問題的確好大！」

阿巴緊張地說：「蘇師傅，原來你都覺得嚴重，早知我幾年前就嚟搵你！」

蘇師傅點頭道：「我有方法幫到你，呢個係最新嘅發明。」

阿巴奇道：「風水都有新發明？」

蘇師傅在桌下拿出個紙箱，徐徐地說：「呢個係大學最新研發嘅摩連奴自動駕駛系統，如果你架車有意外，系統會幫到你即刻修正，包唔會撞車。」

阿巴憤怒地說：「神棍，我幾年前已經用過呢套系統，就係呢套系統成日阻頭阻勢，搞到我冇得開快車，我先扔咗套嘢！」

蘇師傅說：「冷靜！你唔要呢套系統，我仲有另一個方法，都係最新出品嚟。」

阿巴坐下來，不耐煩地說：「有辦法就拎出嚟啦！」

蘇師傅由抽屜中拿出來一個小紙盒，上面寫住「FM2014」六隻大字。他義正詞嚴地說：「
呢位先生，你買咗架車十年，但你一直唔肯去學車，不過又要爭住去揸架車，仲自把自為買埋啲廢零件返嚟。咁都算，司機唔請，自動駕駛唔裝，擺個肥安像喺車頭就以為人哋唔知係你揸，我呸！」

阿巴都被嚇一嚇，目瞪口呆地望住蘇師傅，後者續說：「呢度有一套摩連奴自動駕駛系統，


隔離就係FM2014，你自己揀樣拎走，唔好再嚟搵我！」

阿巴：師傅！師傅！點解我揸極都係炒車？
蘇師傅：你都未學過車……

見到阿巴捧住個紙盒行出來，排第二的雲格就馬上走進蘇師傅的辦公室，並且高聲求救：
「蘇師傅，救救我間公司！你唔出手，就嚟執笠嘞！」

蘇師傅說：「冷靜，話我知，發生咩事？」

雲格是一間保安公司的老闆，但下屬經常犯錯，屢勸不改，就算換了批人，都不斷犯錯，他認為是公司風水不好，所以前來向蘇師傅求救。蘇師傅聽完後問：「雲老闆，你嘅下屬通常犯咩錯？」

雲格嘆道：「我叫佢哋檢查行李，就睇漏嘢。我叫佢哋貼身保護客戶，佢哋又成日失位。


有賊嚟到，我叫佢哋開槍射，全部人都射咗唔知去邊。最慘嘅係，有個大客8年前俾咗個冠軍我哋看管，但我哋就整唔見咗個冠軍8年！」

蘇師傅問：「如果要貴解決貴公司嘅問題，我諗最直接先係搵返個冠軍返嚟！」

雲格點頭道：「蘇師傅，你一句就講到重點。但憑我班雞手鴨腳嘅下屬，搵咗8年都搵唔到。」

蘇師傅說：「我想睇吓你班下屬係咩樣？」

雲格已經準備好，拿了本員工相冊出來，給蘇師傅過目。雲格嘆道：「一睇佢哋個樣，都知腳法差，笨手笨腳！」

蘇師傅一邊看，一邊搖頭道：「問題唔係腳法，佢哋個個骨格精奇，臉色紅潤，係冠軍相嚟。

不過，佢哋全部都有一個問題，所以一直都搵唔返冠軍。」

雲格緊張地說：「係咩問題？」

蘇師傅反問：「搵嘢要靠咩？」

雲格即道：「靠隻手！」

蘇師傅沒好氣地說：「靠對眼呀！」

雲格尷尬地說：「唔好意思。」

蘇師傅續說：「你睇，禾確特同艾朗藍斯隻眼都唔夠大，又點搵得到嘢呢！


我嚟教你，你返去請個眼大嘅人做經理，帶住宜家班人，我寫包單，一年內可以搵到個冠軍返嚟！」


回到英國後，雲格立刻請個大眼仔回來主持大局。

望住雲格心滿意足行出來，排第三的莫耶斯立刻走入蘇師傅的辦公室。他一走進來，


蘇師傅就感到一股黑氣隨他進來，心裡認為這個個案最難搞。

「咪郁！」蘇師傅喝道：「你好黑，可能有污糟嘢想玩你！」

莫耶斯驚異地說：「蘇師傅，你點解知道有人想玩我？」

蘇師傅認真地說：「我睇到，有嘢玩緊你，但唔知係人定鬼。」

莫耶斯：蘇師傅，我班細路唔聽話，點算好？

莫耶斯嘆道：「係人，但都係鬼。我班學生個個都係淘氣鬼，就快玩謝我。」

蘇師傅說：「原來莫先生你係做老師，失敬！」話說莫耶斯在一間名校做老師，雖然薪高糧準，

但入面位位學生都是有錢仔，不會尊師重道。

蘇師傅抓抓頭道：「對付小朋友？我都唔係好識。」

莫耶斯說：「我唔止係老師，仲早幾日升職做咗校長，但班細路見老校長走咗，就冇王管咁，成日走嚟走去搞亂檔。」


講到最曳，都係朗尼仔，成日話要逃學，又要爭做班長！

蘇師傅說：「呢方面風水幫唔到你，你應該重罰班學生。老校長走咗，但應該重有啲得高望重嘅老師，叫佢哋幫你手啦。」

莫耶斯慘然道：「全部都俾我炒晒……我身邊嘅老師，全部都喺教育學院畢業咗冇耐，仲有啲係實習老師……」


成班都係實習老師，點夠班學生鬥。

蘇師傅想不到方法，反問道：「莫校長，你想我點幫你？」

莫耶斯說：「有冇方法可以增強我嘅權威？等班學生服我、怕我。例如好似啲神父咁，拎本聖經出嚟，啲妖魔鬼怪就自然好驚。」

蘇師傅想了一會，靈機一動，從背包中拿出一本書，自信地說：「呢本書係新鮮出爐，我都係前兩日先喺商務度買。
如果你班學生唔聽話，就拎本書出嚟，仲唔聽話的話，就用本書係咁打佢哋個頭。」

莫耶斯戰戰競競地拿起那本書，由書背翻到封面，看到上面寫住五隻字：「費格遜自傳」。


莫耶斯果然好聽蘇師傅話！就算帶隊去西班牙比賽，佢都帶住本費格遜自傳。

莫耶斯：朗尼？我唔驚你！天靈靈，地靈靈，費格遜速速顯靈！

莫耶斯：我問你驚未？
朗尼：……

http://football.fanpiece.com/herostory/%E5%B9%BB%E6%83%B3%E4%B9%8B%E4%BD%9C-%E5%81%87%E5%A6%82%E8%8E%AB%E8%80%B6%E6%96%AF%E5%8E%BB%E7%9D%87%E9%A2%A8%E6%B0%B4-%E6%9C%83%E6%9C%89%E5%92%A9%E8%B6%A3%E4%BA%8B-c1104730.html

蘇師傅反問：「搵嘢要靠咩？」

雲格即道：「靠隻手！」

蘇師傅沒好氣地說：「靠對眼呀！」

蘇師傅續說：「你睇，禾確特同艾朗藍斯隻眼都唔夠大，又點搵得到嘢呢！

我嚟教你，你返去請個眼大嘅人做經理，帶住宜家班人，我寫包單，一年內可以搵到個冠軍返嚟！」

羅力亞:蘇師傅反問：「搵嘢要靠咩？」
雲格即道：「靠隻手！」
蘇師傅沒好氣地說：「靠對眼呀！」
....... (2013-11-06 23:58) 

抄IC四格既

今次麻麻地
抽水抽得唔夠爆笑

呢篇好格硬