http://orientaldaily.on.cc/cnt/entertainment/20100526/00282_008.html
崔建邦涉打傷前女友鄺敏慧（中巴）案件告一段落，昨日崔建邦接受本報獨家專訪，他坦言受審前從未諗過會坐監，更不怕將來工作上跟對方碰頭：「呢件事天知、地知、我自己知，總之我問心無愧。」
擾攘了近半年的傷人案，日前終於告一段落。崔建邦昨日首度談及上庭前給鄺敏慧道歉信的內容，他說：「封信入面我向係佢（鄺敏慧）身上發生既事情深感抱歉。上庭前一晚，控方問我，可否認條輕D既罪，我唔肯，因為我冇做過，當時我要求雙方和解，對方又唔肯；到上庭當日，對方又話肯以簽保守行為程序解決，但我要同意對方之前口供，可以唔使對簿公堂，將件事解決，我身為一個男人，要同之前女朋友道歉，冇乜問題，但係律政署就要求我寫封道歉信。」
替舊愛講好話
說到中巴上庭後「谷眼淚」及翌日便接受電視台專訪，有博宣傳之嫌，對此崔建邦謂：「人地既野無謂猜度，但都了解咁年輕女仔要同以前男朋友對簿公堂，感受一定唔好。」問將來工作上怕否遇到對方，他謂：「點解要怕？我問心無愧！（你冇打過佢？）呢件事天知、地知、我自己知。（對方被指博宣傳？）人地做乜我控制唔到。」
把握工作機會
對於中巴這位舊愛，崔建邦仍替她說好話，他說：「我希望大家唔好再批評鄺小姐，佢同我一齊果陣係好女仔、經驗淺同純品，（對佢失望？）呢件事完結，希望佢有美好人生。」問他是否自此會帶眼識人，他說：「我只可以話以前唔識得保護自己，係時候學習。」
崔建邦又表示這幾年都會專心工作，暫不提感情事，他謂：「我仲有家人要照顧，今次走出呢件事，有小小人性都會把握工作機會，一個男人要成家立室都要有事業。」
