我完全係滿有期望去睇呢套戲。
講真，我欣賞呢套戲既係拍得好靚，好多畫面都叫人眼前一亮。構圖美麗，能拍出好高層次既意境同情懷。呢套戲係台灣大賣，唔係賣感人既愛情故事，係賣鄉土情懷，一半對白係講台語唔係講國語。又強調鄉下地方唔係無人才，一樣可以出到好野。所有主角都係黎自社會既最低下層，無呢個音樂會既話，佢地都係平平凡凡甚至無咩出息既人（好似水姪、馬拉桑、茂叔，個細路女），全部都係被忽視被冷待被遺忘既一群。透過一個音樂會，終於可以吐氣揚眉，那怕只係一晚既風光，翌日即刻歸於平淡。都係曾經擁有過。剎那光煇都係光煇。總好過平淡一生。
有人分析過，呢個正係套戲係台灣大賣既關鍵。因為台灣宜家d 人個個都係咁慘，個個都屈屈不得志。經濟一淡死水。呢套戲可以鼓動人心，大賣鄉土情懷，宣揚地方文化精神，正正切合台灣人心靈所缺乏既個一部分。所以賣座強勁。換左黎香港，個感染力就即時差左一截。香港人感受唔到個份情懷。尤其舊年巿道旺個陣……今年或者都會強烈d 既……
[ 本文被freezefox在2008-12-20 11:19重新編輯 ]
