今周賽程好有趣：
Aston Villa V Fulham
Cardiff V Crystal Palace
Chelsea V Stoke
Everton V Arsenal
Hull V Swansea
Man City V Southampton
Newcastle V Man Utd
Norwich V West Brom
Tottenham V Sunderland
West Ham V Liverpool
除左曼城、車路士、利記叫做強弱懸殊得比較明顯之外，其他大部分賽事都係五五波之選。其中尤其愛華頓對阿仙奴一戰，更加係關乎到今屆英超BIG 4 誰屬的關鍵大戰。實力可能係阿仙奴稍稍佔優，但近況卻係愛華頓較佳，而且有主場之利。呢場誰勝誰負實在好難估計！其他卡迪夫對史篤城、侯城對史雲斯、諾或治對西布朗，全部都係實力相近既球隊既作賽。幾乎全部都關係到護級咁滯，應該都會打得好緊湊。唔易落注。
今周實力最懸殊既，都幾乎可以肯定係主場既曼城對作客既修咸頓。曼城可以係呢場全取三分既機會高唱入雲！甚至有理由想信佢地會大數對手！睇番修咸頓往績，近十場波失左14球，幾乎場場都有失波。尤其對住強隊，每每腳軟。利記、車仔、熱刺，分別係佢身上取後三球入球。阿仙奴、愛華頓都各取兩球。可見修咸頓既防守力真係麻麻。面對曼城強大既攻力，幾乎可以估計到情況有幾慘烈。曼城既中前場可謂今周必選。不過，兩者之間就以中場比較易買。前鋒一方面未知阿古獸情況如何，另一方面剩番既迪斯高同尼格度唔知買邊個好。似乎唔係咁穩陣。相反，中場易買得多。耶耶托尼無人會唔用的了。上場KEEP 住佢既都大有人在。唔少人上場順手偷埋施華。如果你無偷，仍然可以考慮拿華斯同拿斯利。如果阿古獸一日未復出，曼城個中前場應該都唔會點變陣。拿華斯同拿斯利兩個既正選都幾穩。我尤其喜歡後者。
但後防就兩睇。照計曼城主場，CS 都好穩陣下。不過，修咸頓崇尚進攻，往往係輸波既情況下仍然有波入。33 場聯賽，只有4 場無波入。呢個係一個幾驚人既數字。近二十場，修咸頓只係不能係車路士同利物浦身上取得入球。其他賽事通通有波入。積阿洛迪古斯狀態奇勇！LALALA、林拔等配合亦甚有默契。上次修咸頓對曼城都係以1:1 作結。當然，上半季作客既曼城好難同宜家既曼城比！CS 機會仍然係高的。但風險唔係無。加上曼城D 後防件件都身價驚人，你都幾難買到多幾件。一件起兩件止好了。
曼城今周早場，可睇陣容。加入全力爭冠，必定去盡！點都要買番三幾件的！
推介：耶耶、拿斯利、拿華斯、施華（排名已分前後）
[ 此帖被freezefox在2014-03-31 16:26重新編輯 ]
