投資足彩--實力以外的分析 [復制鏈接]

(一) 切物因贏或輸波之後加大注額：
贏的不要以為無所謂，輸左都係打個和，但就又一次益左馬會。
輸的就更加不要做這個病態動作，因往往想番本而胡亂下注缺乏分析，輸的會很慘。
初哥有時要交下學費，但學費不應倍增喔！
所以建議把賺蝕金額記低，一睇就知自己有冇買大左。

(二) 別要跟風，寧信自己分析：
有好多時d賠率都會有轉變，有時更受到一些大手下注影響的頗勁，
其實買下波都可當係娛樂考眼光，信自己眼光分析過程也過引，
如果跟買，一來無了分析好似買大細，二來跌左水贏了也是贏得比人少。

(三) 別盲目對心愛熱門球隊重注：
大家唔好以為自己喜愛的強隊贏梗，香港球迷多看英超，而曼聯、利物浦、阿仙奴、車路士迷相當多，
大家眼看有幾成回報好過收息，大錯特錯！特別係足智彩的讓球主客和，好易食到毒藥，小心！

(四) 唔識就咪買，勿亂信名牌：
相信大家波友睇波都會習中係其中一個聯賽上，估計多數都係英超多。
一個週末睇3、4場英超都夠晒皮啦，但投注呢?你又會唔會乜都買下呢？
諗住買下皇馬、拜仁、祖記，超晒班近況佳等因素．．．
但呢個係毒藥，唔熟悉當中細節消息好似忽略左ｄ影響形勢的關鍵新聞，
再者，就算中左都冇乜肉食，如果過關死係佢地手上更加唔抵啦！
所以建議睇開一個聯賽就買果個聯賽集中ｄ。

(五) 別單依靠其中一隊的利好因素而下注：
球賽，係2隊22人一齊打的，
如果單靠一方的某些有利或不利因素就判勝負，未免有所忽略其他消息而輸錢。
例如世界杯季軍戰德國隊收起列文、波歷克等球星而不作其他分析買對家

(六) 想贏錢？別再想波膽、半全場、首球及過多關等玩法：
唔知大家知唔知，馬會在各項彩池都有一個百份比來派彩，
如波膽派70%，即平均每10蚊投注會有3蚊入左馬會個袋(當然馬會要支付人工、投注站有關費用，博彩稅等)
如果買3x1波膽就得番34%，不過少少地玩下的也不妨用$10刀仔据大樹，
所以想贏錢都係買最高派彩率為佳--即馬會足智彩讓球盤

(七) 預測賠率走勢贏取更多：
有時唔係估邊隊贏就能贏大錢ｏ既（當然次次估中賠率幾多都唔係影響你．．．）
如果能預測賠率的升跌或可令你多贏約１０％，
就以剛剛世界杯決賽為例，平手盤由開盤1.78/2.08到後來1.72/2.19
我就睇準法國較好，但外圍因素可令法國升水甚至轉盤，
最後我都可以係最高水2.19入貨，至於贏唔贏又係球隊分析同場上發揮的事了。



都係唔寫啦...

賭完世界杯，已經唔記得有分主客係點賭。

(六) 預測賠率走勢贏取更多：
認同，不過賭聯賽好難估架，好似birmingham護級作客aston villa，馬會竟然開villa(-1)讓球主客和，係人係鬼都買客朥，我最早買之後就跌水至1.5，普通人最盡會買和，點知開個主勝贏兩粒，你話鬼唔鬼?

馬會唔到你唔服。