[攝影]舊鏡頭掀搶購潮... [復制鏈接]

(星島)2009年12月14日 星期一 06:30
(綜合報道)

(星島日報   報道)有時間的話，不妨走一轉各大售賣傳統相機、舊鏡頭的店鋪，尤其周末、日，你會發現客似雲來，顧客如鯽。幾年前，誰會想到這些陳年舊鏡頭會一下子由「垃圾」變為「珍寶」？

以往玩影相的人都知道，菲林時代追求的，是沒有黑角、色彩艷麗、少粗粒的成像照片；今天數碼技術均一一做到之時，竟然有一大班人「玩返轉頭」，偏愛傳統舊鏡頭拍攝出來的RAW美感，黑色及粗糙感愈強烈就愈喜愛！一位相熟相機店老闆對我說，以前那批所謂電影鏡頭，一堆二堆囤積店內，賣到一、二百元一個都無人問津，今天賣到一萬多元一個仍然有人爭住要！

都拜Micro3/4新技術所賜，一個接環就將數碼相機與幾乎所有牌子的舊鏡頭完全接軌，令可玩性大大提高，那些又重又大部的專業相機，一時間頓然失寵！

兩年前我都用無乜蝕過既價錢放左枝舊鏡頭，

但係個 friend 都話已經比出面低！

引用第1樓thomas33於2009-12-14 20:42發表的“”:
兩年前我都用無乜蝕過既價錢放左枝舊鏡頭，
但係個 friend 都話已經比出面低！ [表情]

根本好多舊鏡個價一直企硬。邊會有「之前一二百無人要，宜家賣到一萬蚊都個個搶」既情況哎。



寫呢篇文既人睇怕都係亂吹架啦。

引用第2樓freezefox於2009-12-15 00:03發表的“”:
根本好多舊鏡個價一直企硬。邊會有「之前一二百無人要，宜家賣到一萬蚊都個個搶」既情況哎。
.......

吹，佢就一定係吹架喇。

但係有好多舊鏡頭真係質數唔錯，

可惜既係唔再出，所以個價先會企到硬一硬！




我果時賣比個 friend 果支就係一支屬平價既靚鏡頭。

引用第3樓thomas33於2009-12-15 04:44發表的“”:
吹，佢就一定係吹架喇。
但係有好多舊鏡頭真係質數唔錯，
.......

N記支舊價都不知幾貴………


3/4 系統宜家為止，只係一個潮流，係D 真係當相機係玩具咁收藏既玩家先會玩者。何曾成為一個主流？靠0 記同P記個兩部新機就想改潮換代，咪講笑啦。


個系統再成熟D 先講啦。家下O記個部既第二代機賣成八千幾九千，夠你買N記既D90 或C記既50D，完全係貴到唔合理既。性價比差到不得了，不可能普及。第一代連觀景器都無，加既話，盛惠千七………又無內罝閃燈，又盛惠千幾……即係，唔過萬你部機根本唔可以發揮正常………你話唔係發燒友，又或者大把錢追潮流一族，邊個會買呢部咁貴既玩具？

P記個部反而有誠得多。




寫呢篇文既人對宜家既相機巿場可謂一無所知………

引用第4樓freezefox於2009-12-15 11:25發表的“”:
N記支舊價都不知幾貴………
.......

係囉！其實好多都係雷聲大、雨點小。

好多都係名過就實。

真係唔值咁既價。

請問如果想買鏡頭, 去日本買會唔會平過嚮香港買??

引用第6樓seattleqoo於2009-12-22 12:16發表的“”:
請問如果想買鏡頭, 去日本買會唔會平過嚮香港買??

咩鏡頭先？

引用第6樓seattleqoo於2009-12-22 12:16發表的“”:
請問如果想買鏡頭, 去日本買會唔會平過嚮香港買??

而家紙水貴喎...