http://hk.apple.nextmedia.com/template/apple/art_main.php?iss_id=20100114&sec_id=462&subsec_id=463&art_id=13623700無線抄襲潮一浪接一浪，現時 TVB播放馬浚偉、鄭則士和鍾嘉欣主演的劇集《老友狗狗》，竟爆出涉嫌向由袁文傑及張文慈主演的亞視 07年爛尾劇偷橋，兩劇不止名稱相同，就連橋段也同樣描述退休公僕轉職狗隻訓練師的故事，實在巧合得離奇。無線《老》劇被指盜版但仍收視高企， ATV眼白白睇住無線得益，袁文傑只能嘆謂：「只怪自己唔夠爭氣。」
雖然無線劇集屢次被指抄橋，早前《宮心計》將韓劇《大長今》及日劇《篤姬》集大成，《巴不得爸爸》也明以電影《新難兄難弟》作藍本，想不到現時播放中、由馬浚偉、鄭則士、鍾嘉欣、黃浩然及邵美琪等主演的《老友狗狗》，也再度捲入激抄行列。
原來亞視早於 06年 9月已籌拍同名劇《老友狗狗》，由袁文傑、張文慈和陳寶轅等演出。當時袁文傑還被安排往上水狗場接受訓練犬隻課程，又將頭髮剪短，且拍下宣傳片於同年底的節目巡禮上播放。據知當時亞視版《老》劇已有故事大綱及頭五集劇本，計劃 07年推出，惜最後因財政問題作罷，還未開拍已爛尾收場。
未料無線去年竟巧合地開拍同名劇，就連劇集內容及主角職業等也跟亞視版如孖生兄弟。無線版描述警犬隊頭目鄭則士退休後開狗場，是名專業狗隻訓練師，飾演其女兒的鍾嘉欣開寵物診所，與以土法養狗的圍頭仔馬仔是鬥氣冤家，後來兩人為狗生情愫。至於亞視版就指袁文傑是海關關員，為替自己鋪退休後路而申請做領犬員，後來結識了寵物店東主張文慈，二人同樣為狗擦出愛火花。
袁文傑：怪自己唔爭氣
無線疑借亞視爛殼當寶，《老》劇如常獲慣性收視撐腰，上周平均收視 31點（ 198萬觀眾）。亞視開井，遲來先上岸的無線卻飲頭啖湯，袁文傑昨接受訪問時在電話中說：「我係拍過呢套劇既宣傳片，頭髮都剃短埋，仲去左狗場上堂，結果胎死腹中，因為果時公司管錢既人唔批。」他聲稱沒看過無線版《狗》劇：「唔想睇啦，都知乜事啦，又係公僕又係狗，成個感覺差唔多一樣。」
對於無線明抄亞視劇名及涉倒模內容，袁文傑說：「死無對證，唔知對面點樣獲得呢套劇既古仔，但證明係好野，當年我地冇拍到錯失機會，只怪自己唔夠爭氣。」
當時掌管亞視戲劇組的前高層楊紹鴻昨則說：「亞視係 06年係諗住開《老友狗狗》，最後冇錢冇開到。」無線涉偷橋，楊紹鴻謂：「天下文章一大抄，但抄到咁接近，我就不願置評。我相信係一d創作人同製作人既操守有問題，可能有D創作人過左 TVB，又提過亞視有套咁既戲掛？但因為亞視開唔成，套劇冇版權，所以都冇辦法。」
「係咪偷橋等觀眾評定」
無線版《老》劇收視好，更顯得亞視走寶，楊紹鴻直說：「亞視走左好多寶啦，我係亞視年代都提出過好多戲，好似金牙大狀、宋世傑同葉問，但都係冇開到。」亞視公關部發言人昨則說：「我地係 06年已經出左《老友狗狗》既古仔，係咪偷橋就等觀眾自行評定。」
如今《老》劇收視高，主角馬仔當然風騷，他昨說：「呢次做圍頭仔係形象上有突破，但我對收視平常心，點知咁受歡迎，反而有意外驚喜。」
採訪：葉雪
娛樂資料庫：無線抄襲實錄
雖然亞視的收視長期偏低，但多年來也有不少精采和有噱頭的節目，多次威脅以大台自居的無線，後者更搬字過紙抄襲推出迎戰。資料來源：《蘋果》資料室
《成吉思汗》 VS《成吉思汗》
87年亞視大張旗鼓，請來劉永遠赴內蒙拍攝劇集《成吉思汗》，無線不甘後人，急急召來萬梓良拍《成吉思汗》，並搶在 10月播映，亞視則在 12月下旬才推出。
