引用第25樓托利斯於2012-06-20 22:35發表的“”:
我想講如果要用香港既機場快線黎做對比的話
倫敦都有Heathrow express、自己你都查左價錢
.......
其實, 真係唔應該攞兩地黎比較, 各地的情況唔一樣, 今次港鐵的做法唔單單只係眼前加呢一個幾毫,
應該就成件事黎睇, 首先, 港鐵在有盈利下, 仍年年加價, 市民早已怨聲載道, 而上年度港鐵更係錄得破紀錄的鉅額盈餘, 冇記錯應該超過100億, 但仍舊堅持加價, 而家更用埋D取巧手段, 八達通貴過單程票, 話就話幾毫, 幾百萬搭客, 一年計落又賺多一千幾百萬了, 賤到咁有乜辦法唔嬲? (已經唔講宣布加價後卻連續發生多起故障事件)
再者, 市民的怒氣除了對港鐵外, 更對政府, 港鐵之所以能鉅額盈餘下加價, 係因為政府的一堆天才想出了"可加可減機制", 令到加價完全合法, 所以即使全民反對下亦吹佢唔脹。
仲有一個原因, 亦係因為政府。做生意賺錢為上, 要佢地講社會良心基本上嘥氣, 但港鐵唔同, 某些香港市民會對佢地有期望, 因為港鐵的大股東其實係香港政府, 佔左七十幾%, 既大部分係公家, 咁係現時高通脤的情況下, 市民會期待政府凍結票價或暫緩加價, 助減民困, 豈料政府非但做唔到野, 個低能機制更直接推高票價, 你話, 咁有乜辦法唔民怨?
成件事唔係一朝一夕一次加價一個機構而做成的, 你話, 咁複雜, 點可能單單抽個票價出黎同其他城市比較?
