G-shock:其實我覺得應該俾多啲機會羅美路
(2019-05-28 10:38) 
宜家先諗比機會佢？
做成今日咁既惡劣形勢，唔係一朝一夕既事。就係長年累月既錯配同疏忽。到左宜家先諗挽救。太遲了。羅美路要比機會，兩年前好比機會佢啦。結果，羅美路連杯賽仔都唔多見佢（有見過既，唔知幾多場囉⋯⋯⋯）
唔係龍門一個位啦，個個位都應該有個SECOND BEST 先得架。曼聯又唔係無錢，又唔係無人。但就係個個位都攪到好似得一個人用得。咁甚至離譜到，好多位都好似無人可以用咁。一個楊格，幾十歲人。改造完做左閘，又客串右閘，又客串防中，又打下翼衞。之後變埋正選右閘⋯⋯⋯⋯你曼聯真係無人用到要咁去安排人手？無可能啦。
大大個大米安係到，死唔肯用佢。到人地要走，又唔比人走。又要強留佢係到，阻人前途。
盲俠比大家講到咩咁。你睇人地去左阿積士後表現幾好。實際盲俠呢類可以打幾個位既萬能KEY 正正係最佳後備人員。一個後備可以應付幾個位置既不時之需。呢D 好野又唔肯用。如果要搵一個人一時打下閘，一時打下中堅，一時打埋中場。佢一定好過楊格囉。
好多好多錯誤，都係日積月累咁累積落黎的。宜家係要還債。還債就梗係要付出代價。成績係代價之一，時間同金錢同樣係代價。
DDG 係大咬，但至少佢咬落去個下都仲有少少說服力。至少你可以比其他隊友知道，拿，你有本事好似DDG 咁做到球隊既救星，你一樣可以拎呢份人工。都算係一種鼓勵。好過你比幾十萬周薪一個成年都出唔到幾次場既山神哎。山神先係破壞成個薪金架構既元凶。唔係DDG 。宜家怪佢破壞薪金架構，根本就係本未倒置。係你破壞左在先，人地照跟，有咩錯？
[ 此帖被freezefox在2019-05-28 11:05重新編輯 ]
