過埋今周，下周利記無賽事，KEEP 住成手利記人可能要放咁D。尤其打後個幾周，可能好多補賽、雙賽，分分鐘個個星期要大換血，個個星期要ALL IN 某一兩隊。KEEP 人都KEEP 唔到幾多了。今周希望搵番多少幫補下，儲定糧下周硬食利記無賽事既一周啦。
暫時未執既偷人人陣：
謝拉域 S7 史毒
奧斯爾 艾歷臣 史達寧 古天奴
迪保治 伊雲 艾斯派古達
施治
巴特蘭 巴士利 尼曼查馬迪 夏柏
前鋒唔駛郁。就咁得啦。
中場大鑊啦。要大換血。艾歷臣可能要賣了。上周坐足全晚後備席，一分鐘都無得出場。心都淡了。今周熱刺主場，或者買番個唐辛黎對沖下好過。奧斯爾抖左一周，今周唔知雲加會唔會用佢。但主場，想試多佢一次。不過，用埋今周，下周都應該要同佢講分手了。古天奴我同佢無緣。買左佢咁多周都低分。唯一一周高分就係我放左佢個周。買番，又低分過……所以，為左佢，為左利記。我都係放過佢算了。
所以，就算將馬迪調出黎，我都仲要買多兩三個中場。大家有冇中場好介紹呀？
後防正選個三個都無咩問題。但後備席就好薄弱。巴士利輪空無賽事。巴特蘭上周傷出今周唔知情況如何。而且，買哂車仔後防同籠門，好似太多。想將其中一個車仔後防換走。大家今周又睇好邊隊有CS 呢？候場主場似乎幾值得信賴喎。
