迪士尼2008農曆新年賀歲矚目鉅獻。《魔法奇緣》由迪士尼傳統動畫世界，玩到真人實景拍攝，再加創新電腦特技魔法，讓觀眾大開眼界！大家熟悉的童話人物，公主、王子、巫婆、奸大臣、花栗鼠，齊齊由動畫走入現實，成為有血有肉的真人角色，展開一段前所未見的爆笑歷險！森林動物圍著公主唱歌跳舞、白馬王子大戰飛天魔龍等場面，在現實世界發生又會變成點？芳心愛漫遊的公主，更破天荒墮入三角戀，絕對是一次反傳統的童話現實cross-over！童話中的芝莎公主被巫婆推落深淵，通過神秘出口，竟來到現實世界的繁華紐約！芝莎公主人生路不熟，幸好得到失婚律師羅拔和他的小女兒悉心照顧，在冷漠都市總算找到溫暖。芝莎公主人每日在烏龍百出的生活中，期待艾華王子由童話世界前來營救。王子遲遲未現身，芝莎和羅拔開始日久生情。那邊廂惡毒女巫與奸大臣前來追殺，一於毒蘋果侍候，要公主一去冇回頭！危險關頭，艾華王子為救回公主，冒險追到現實世界……究竟天真公主怎樣處理三角戀？巫婆毒蘋果邊個哽得落？今次結局可唔可以大團圓？
++++++++++++++++++++++
唔係話我話....真係超好!
真係好好笑.
又幾sweet同浪漫喎套戲..
女主角幾正...真係幾似無知少女xD
d歌又好聽....
仲帶出左dreams can come true呢個正面思想比d細路...
掂!
一家/一pair pair去睇最好
