殺人犯 (Murderer)... [復制鏈接]

啱啱先睇完, 好似慢咗好多拍......

呢套好野呢架噃, 好認真。如果年中咁多港產爛片都有3-4分, 我會俾呢套4.5/5! 我睇完戲先去望D影評, 竟然咁多人將佢歸類做爛片, 好難接受呀。


反白:

第一因為無諗過個結局會係咁, 一路以為係郭富城一係失憶, 明明自己係壞人但唔記得咗, 即係好似月夜神咁。一係就精神分裂, 由其係當驗出佢血入面有化學物質的時候, 我以為就會向呢個方向去, 結果係有第三個可能, 好surprise。

第二係覺得個編排好, 講緊係郭富城一步步發覺好似自己係殺人犯, 初頭2/3的部份。check日期簿, 公仔, 兔仔畫, 冇咗電鑽, 兩粒釘, 幅舊相等等, 越黎越近真相, 越睇越驚。

第三係見到一D影評話最後個1/3好突然其來, 無伏筆。我自己就覺得ok, 因為唔係想好似金田一個類, 一路睇一路就有提示邊個係兇手。我唯一記得的伏筆係細路訓覺扮驚個度, 個刻覺得「有D野」, 但估唔到咁有關。另外就係話細路一五一十講哂件事出黎, 手法好低。我都少少認同, 但覺得影響唔大。因為個細路本身係變態殺人犯, 而個刻已經決定咗要殺郭富城老婆同佢(個sequence我認為係: 郭富城老婆book時間替細路驗血->細路知道咗決定要殺佢兩個,係兩個因為乞兒都有對郭富城落手->露台講真相,係佢死前講埋比佢聽又點話->第二日游水加實行殺人計劃)。所以我覺得其實講得通, 無問題。

個小朋友其實好好戲, 最後1/3憎都佢不得了, 竟然無伸到佢落街, 可惜。睇完, 忽然想......

.....anyway, 今日咁好天氣, 我地去游水!