我仍然都係維持之前之決定
但你已經係一遍反對聲中，即日解鎖。咁又何來「維持之前決定」？鎖上果篇文為防止後續所衍生出來更嚴重的戶口問題，及早處理由該兩個戶口所帶來的問題
戶口問題為我的職責。
基本上，所有野都可以講為「戶口問題」架啦。問題係，呢件事係咪真係需要用鎖文解決，而唔係呢件事係咪戶口問題。當然，我既唔認為呢件事需要鎖文黎解決！更唔認為呢件事係戶口問題。
證據：結果桶少你咪又係係無鎖文既情況下「解決」件事（雖然「解決」得黎，帶出另一個問題）。咁咪證明左，鎖唔鎖文，同解決件事，根本就無關係！呢樣野，仲要係你自己親手證明添……
至於戶口問題，我反而想知道，你根據咩條件將事件定性為「戶口問題」。件事根本唔涉及技術層面上既戶口問題。又唔係IP出問題，又唔係戶口既轉帳失靈或系統出錯。完全都無捗及任何電腦層面上既技術問題。純綷係「人為」既問題。舉個例子！你去提款機提款，攪掂之後無錢出，就係「技術問題」。你應該搵銀行有關人士幫手解決。但若然你去提款機提款，提款之後比人打劫，就係差佬既問題！你應該去報警！
你宜家係以銀行職員既身分，去處理差佬捉賊既事情呀。呢個比喻，會唔會令你容易少少明白呢？
，當時亦已指出，只是暫時鎖上文章，不是永久鎖上文章，呢點大家從來沒有看過
係咪暫時根本唔重要！只要係唔需要上鎖既，就唔應該上鎖，幾短暫既上鎖都係上鎖，都係剝奪大家既發言權。對於有部份版友所提出的問題，本人樂意解答，但同時都要明白，鎖上該篇文章不為扼殺論壇言論自由，而為解決事件
你雖然認為唔係扼殺言論自由，但我地感覺到有被剝套發言權之嫌嘛。你係咪應該多重我地既感受出發呢？唔係一個會員有咁既諗法喎，係好多會員都咁諗喎。若然你之前真係唔覺咁樣係影響言論自由既，請你宜家認認真真再諗下大家意見。調查戶口事宜，就今次事件而言就必須停文處理，以避免頭post的內容被改動，防礙檢查，集中處理該等戶口後才能重開該篇文章
呢點我更加完全唔能夠理解！
佢地既問題，係一個會員比左個PW 另一個會員。另一個會員係未經同意情況下，擅自轉走個個會員D 錢！係咪？要查，都係查好友銀行過戶既紀錄啦！關呢個TOPIC 咩事呢？你LOCK 左個TOPIC，同好友銀行轉帳資料有咩關係？唔通你唔LOCK 個TOPIC，D 資料會唔見左？
至於頭POST 內容，有咩重要性？要當證據咁紀錄？真係要紀錄，你唔識得就咁QUOTE 左佢咩？簡單直接。你鐘意既PRINT SCREEN 都得架。
我真係唔明，LOCK 篇文幫到你查D 咩……對於戶口問題本人都不能處理，本人深表奇怪
他們的私人紛爭一放上政務版就不能不處理，加上今次的紛爭涉及戶口事宜，就更加屬於我的職責範圍
無錯！一上辦公室就要處理。但唔係你處理，係總版去處理。我講到咁……你都仲唔明我講咩？ 
我鎖上該篇文章為我份內之事，亦為我執行技術支援的份內事
