來預測聯賽冠軍吧! [多謝各位] [復制鏈接]

我又要執下個PREDICTION

1,2,3 點都係車,曼阿, rooney傷左之後我估車拎champ
4-7真係爭得好勁 tot, asv liv, manc呢幾隊好難估

18-20 般尼,老樸都係鐵膽
18位 hull/westham之爭好似westham機會大d

引用第35樓蕃薯廠於2010-03-30 17:40發表的“”:
我都係等埋週中d比賽先, 費事陣間歐聯出左咩事... [表情]

烏鴉廠

arsenal後上封王~XDXD
arsenal賽程易大家都知，較難都係對曼城同熱刺，
作客熱刺時，預估車曼之前頭碰和波失分，所以呢場為追近前列，非勝不可下打爭氣波
主場對man city打出士氣，全取3分
換言之我估今後arsenal6場全勝，共取得18分

車路士都有2場硬仗，但難度比阿記更甚，因為對手就係big4 o既曼聯同利記，仲要2場都作客
曼聯無左rooney，加上歐聯影響，本週末對車仔，靠主場之利應該夠和
利記去到季尾仲有爭第4 o既機會，加上雖然沉左大半季，爛船都有三斤釘，主場出擊，我估和。
因為係呢2場賽事失左4分，所以6場賽事只能夠拎到14分

曼聯係失去朗尼後(預計2至4週嘛~)，餘下幾場大戰我都睇淡，主場和車仔，但作客曼城場打比就失分而回
其他4場贏到，都只係拎得13分

齋計分車仔曼聯都係85分，但因為曼聯失左本季射手，得失球難以反超車仔，故車仔第二，曼聯第三。

第四之爭中，以熱刺賽程最差，對手一係爭標，一係爭第四，隊隊都有戰意+有實力；相反曼城始終球員質素高，加上估計尾二一輪主要第四對手利記對車仔失分，果輪主場鬥熱刺o既曼城應會一鼓作氣，奠定第四席位。
利記遺憾大半季失分較多，賽程雖易，但偏偏仲有一場對車仔，結果最終只能得到第五。


榜尾樸茅基本上篤定降班，戰意成疑下都係成為其他球隊眼中o既魚腩。

般尼就慘咯，呢隊波主場搵食，奈何主場偏偏要對曼城、利記、熱刺，點頂？
作客係會對d風流球隊，但佢地作客成績麻麻，睇怕都無救。

最後一個降班位侯城同韋斯咸爭，韋斯咸case同般尼相反，佢地主場多對風流波，戰意影響下，應該可以係當中取得唔少分數，加上球員平均質素唔錯，所以最後最後險以得失球壓過侯城，成功留班。

曼聯冠軍、曼城歐聯最後一席、韋斯咸降班……

雖然朗尼傷左,但我信費SIR 經驗會幫到曼聯

只要唔輸車仔0個場, 曼城0個場失分都OK

車路士今季對 big 4 全勝兼不失一球，信佢地會成為最終皇者。
阿仙奴雖然受傷兵困擾，不過佢地應該一早習慣，而且估佢地歐聯8強出局，專心聯賽後上亞軍。
曼聯受朗尼受傷影響太大，有可能失分頻頻，最後只得季軍。
曼城遇強越強，有力趕上歐聯尾班車。
利物浦狀態好轉，奈何之前失分太多，最後第五過終點。
熱刺一貫臨尾香，愛華頓、維拉兵源短缺成失利關鍵。

韋斯咸軍心不穩，球員患得患失下始終無法挽回英冠厄運。
般尼唔夠班加上魔鬼主場不再，英冠見。
樸茨茅夫財困兼扣分，回天乏術。

個人唔認為杜維有能力立足英超, 故唔睇好候城
就算Bullard點神奇都無能為力
甚至般尼可能比候城更有一線希望
但以球員質素計最終韋斯咸應可留級

至於頭八位, 阿士東維拉同愛華頓應難爭到更前位置
今季曼城, 熱刺表現可人, 兩隊不相伯仲而個人最終選擇曼城
而利物浦雖然較為遜色,
奈何阿士東維拉季尾褪色, 愛華頓分數上則未必趕上
所以利物浦仍有可能位居第六

至於頭三, 只係純粹個人意願

冠軍組:
曼聯冇朗尼, 車仔作客前列球隊成績差 (作客現時聯賽前10名只係贏過阿仙奴), 所以和波合理;
車仔之後作客熱刺利物浦都唔會好過, 預計相繼失分;
曼聯作客曼城能否保持不敗係一個關鍵, 不過我估tevez 絕對唔會俾曼聯全身而退; 而作客新特蘭亦有暗湧, 新特蘭最近回勇, 主場硬淨, 對戰曼聯係佢地主場謝幕戰, 曼聯有一定機會失分;
至於阿仙奴, 作客熱刺我估佢會和波, 但之後隨住沙王同雲佩斯復出, 一口氣贏晒餘下比賽, 冷手執個熱煎堆

爭四組:
熱刺賽程惡哽, 對住big3 曼城頂多贏一場
維拉強弩之末, 注定冇運行
利記早前失分太多, 除非曼城失準, 否則都係差少少
曼城遇強越強, 而弱既對手又真係太弱, 所以我覺得佢地week 37已可confirm 第4名資格;

護級組:
韋斯咸有幾場都係對住d風流波或不擅作客球隊, 加上球員有質素, 預計有驚無險;
侯城係會搶分, 不過作客韋根關鍵一戰輸波, 最後飲恨降班;
般尼賽程難打之餘狀態其差, 氣數已盡~

冠軍組: 點都係曼聯啦 鬼叫我係紅魔鬼粉絲咩

爭四組: 利記宜家先至發力, 大遲了...最多得第五 熱刺本來都睇好的...但一籮籮傷兵對他們影響太大 維拉俾我既感覺係"希望越大, 失望越大", 最尾只得第七 曼城賽程不俗, 對他們很有期望, 應該可以得第四

護級組: 老樸降班一定係事實, 不作多說... 般尼地頭蟲(主場)優勢已完, 加上賽程難打, 係咁先
侯城呢隻無牙老虎就算有Jimmy Bullard呢位勁人都好, 我個人都唔睇好侯城可以留響英超

我覺得曼聯會係冠軍，因為曼聯要打既三場硬仗有兩場主場，但係車仔就大多係作客。
我覺得曼城第四，因為tevez近況好，應該可以帶領曼城打歐聯。
hull city,burnley會降班，般尼宜家主場作客都唔掂，冇乜可能留係英超，而hull city剩係靠bullard，當bullard踢得差，hull city就會唔掂，所以我覺得hull city會降班。

多謝各位

結果將於聯賽最後一週公佈  

打完呢兩日賽事後, 各組別既爭奪都已經開始明朗化…

冠軍: 車仔
第四: 曼城 (可能得熱刺有少少價講)
降班: 侯城, 般尼

引用第58樓蕃薯廠於2010-04-12 11:40發表的“”:
打完呢兩日賽事後, 各組別既爭奪都已經開始明朗化…
冠軍: 車仔
第四: 曼城 (可能得熱刺有少少價講)
降班: 侯城, 般尼

我始終希望韋斯咸降