http://www.hkatv.com/v3/drama/09/the_first_wives_club/index.html如果呢套劇响無記播, 我相信一定大收旺場。 雖然今個禮拜將會大結局, 依家至黎討論好似遲左d, 不過真係有笑有淚, 值得再三回味! 亦可能因為本人經歷過婚姻失敗, 所以對劇中部份情節特別有共鳴...
福秀 - 好好人, 做事有分寸, 平時行路同講野d師奶動靜好神似!
元修 - 攪笑既時候好攪笑, 賤既時候好賤! 佢d表情動作真係勁難學!
阿媽 - 典型口硬心軟既人, 執著得黎又係好攪笑
華心 - 幾靚女, 原來係前韓國小姐! 佢個角色都幾好, 不過喊既時候個樣似笑多d...
石俊 - 成套戲至型既角色! 唔係話佢靚仔, 但係一見佢個抑鬱神情就勁正! 加埋隻插曲真係襯到爆! 係我呢期既飲歌!!!
http://www.yue360.com/play/145589.html之良 - 一個字: 笨, 超口直心快, 我懷疑緊世界上有冇d咁唔識睇場合講野既人。 遭遇方面, 話佢慘又唔係, 話佢抵死又唔係...
憲修+璇熙 - 通常大部份劇既重心都係年青男女既愛情, 不過佢地响呢套劇中既故事唔算係主要。 璇熙有時比港女更港女=.=
奇蹟 - 衣冠禽獸, 個人認為成套戲中佢既演技係比較遜色既一個, 不過都比大部份無記人好~
如果有睇套劇的話, 一齊討論吓啦!
