引用第136樓sun於2009-07-09 12:00發表的“”:
佢地要炸爆太陽先可以得到佢地的能源呀，並唔係想打敗地球人。
佢地要炸爆太陽先可以得到佢地的能源...唔知你岩唔岩...
.......
1.科倫唔只睇唔起地球人，仲睇唔起宇宙其他生命，睇唔起仁慈，覺得自己應該係天上天下唯我獨尊，所以唔理其他至尊金剛的反對想炸爆太陽，得到自己想要的能源。
2.今集被大受批評的一點就係變形金剛被嚴重弱化，令到科倫其實好似好想統治地球。其實唔係，地球的生死佢根本冇興趣，佢以前到依家都只係想炸爆太陽，拎到d生命能源去擴充大軍，不過之前俾其它至尊金剛拎左條鎖匙收埋，所以炸唔到。
3.完全冇講過科倫要報仇，亦都冇咩仇要報係人類度。唯一可能就係向至尊金剛---------柯柏文報被打傷之仇，但睇返戲其實佢都係冇咁做過，由此至終佢都係想搵返條鎖匙根住開動部機炸爆太陽，所以佢要搵出主角拎出佢腦內鎖匙的地圖，而唔係派佢d手下攻佔世界。
4.今集要點科倫，係劇力嚴重薄弱的地方。初頭係太空船好似半生不死咁，到後尾又識鼠落地球大展神威？既然可以鼠落地球，咁前一集麥加登------佢大徒弟跌左落地球竟然冇去救佢？科倫的出現係今集黎講絕對係一個大bug及非常失敗的設定。同樣的，狂派係太空的太空船既然存在左咁耐，冇任何理由近期先開始即極尋找能源火種同麥加登，完全講唔通。
變形金剛本來就係兒童向既卡通，劇情一向簡單易明。狂派用一切方法想拎上集件道具-----能源火種。博派用盡一切方法阻止狂派，覺得狂派只係識暴力同毀滅生命。我反而覺得今集太複雜扮複雜，不如簡單d好過......
