[問陣]未有頭緒的一周 [復制鏈接]

今周同過往咁多周黎講有D 唔同，就係無咩強弱懸殊既對賽，好多場對賽雙方實力都係比較接近。好難話邊一隊大幅度佔優，令到今周係買人上比較多一D 考慮，當然，亦因為咁而多左選擇。少左幾個「一定要買」既球員。自由度大左。估計今周相似度亦會因應地細番。唔會下下10SAME 9 SAME。


Week10, Saturday 2nd November 2013

Arsenal V Liverpool
Cardiff V Swansea
Everton V Tottenham
Fulham V Man Utd
Hull V Sunderland
Man City V Norwich
Newcastle V Chelsea
Stoke V Southampton
West Brom V Crystal Palace
West Ham V Aston Villa


照牌面睇，比較算係強弱縣殊既會係曼城VS諾域治；紐卡素VS 車路士呢兩場。尤其以主場既曼城佔有較大優勢。車仔作客，點都要打個95折。本來想講埋富咸VS 曼聯呢場，不過一定比一眾曼迷強烈反對。加上曼聯又的確近況欠佳，兼且要作客，所以唔將佢列為「強弱縣殊」既比賽。而列為略佔優勢既隊伍。詳列如下：


強弱懸殊（唔好問我邊隊強呀下，自己諗）：

曼城 VS 諾域治
紐卡素VS 車路士


略佔優勢（一樣，唔好問我邊隊係佔優個隊，自己諗）

富咸VS曼聯
卡迪夫城VS 史雲斯
西布朗VS水晶宮
侯城VS新特蘭

其中只有西布朗、侯城佔主場之利。史雲斯、曼聯作客，要打折扣。另外新特蘭新勝，士氣有所提高，侯城傷患滿營，原有既優勢亦一樣要打折。所以四場入面，實際只係西布朗既優勢比較明顯。

除上述六場，餘下既其他個四場都係五五或六四之比既勢均力敵之戰。不易買人。

留明學野

先講CS




純粹睇牌面，始終都係強弱縣殊既曼城佔優。不過曼城近況其實都係好一般。打左9 場比賽，先得3場有CS！其中兩場係主場，一場係作客。對手係史篤城、候城、紐卡素。近5場場場失波！話就話連續作客者，但連係5場英超入面，除曼聯、車仔外，其他三場既對手都只不過係愛華頓、韋斯咸同維拉！但就算係主場大勝愛華頓個場，都要失一球。作客維拉失三球更加嚇死人！令人對曼城既防線無咩安全感。祖赫特既表現備受各方批評！好難令人大信心買佢。如要落注，買後防球員會好D。萬一無CS 都有雜分可以頂下。可惜之前既雜分王高拉洛夫近排又被列入後備席。比基治搶番個正選位。但薩巴列特價錢由高位回落，可以考慮。另外，如果甘賓尼仲未出得既話，新加盟岩岩先第一次上場既迪米捷拿斯可以考慮。上場無CS 都有四分落袋，身價又平，六個幾，唔夠錢用既話不妨考慮。


另一隊CS機會較大既係西布朗。唔係睇好西布朗既防守能力，係對手水晶宮既入球能力著實低得可憐！打左九場波先入到個區區六球！有三球仲要係一次過係新特蘭身上攞的。9 場波入面有5場係入唔到波，超過一半賽事係零入球。咁既對手，你唔買對家籠門同後防好似對唔住自己（雖然上次買利記就領左野………）。西布朗岩岩先比利記輪完黎。籠門我座山創上巿後最低巿價。買得過！另外西布朗好幾名後防都係雜分王。列治維、比利鐘斯都有爆分既潛力。不過我無咩睇西布朗作賽。有關呢幾位後防既打法或優劣，希望可以有更多好友提出意見。

freezefox:先講CS
....... (2013-10-29 15:57) 

列治維

雖然話水晶宮屎，但西布朗亦唔見得強得去邊。9場波入面只有3 場係無失球。CS 率只有3成。不過，3 場CS 中就有兩場係作客的。對手分別係史篤城、愛華頓（主場CS 個場係對新特蘭）。似乎作客打得比較保守既情況下，反而CS 機會更大。個兩場CS最後都係零比零（咁即係籠門無左WIN個４分了）。而且，失波個幾場，對手唔係強隊如利記、阿記、曼聯，就係攻力較強既史雲斯同修咸頓。失波亦係可以理解的。而且，失波唔算多。除左上場比利記大數呢場外，其他個五場，四場失一球，一場失兩球。可見西布朗既防守力仍然有一定既穩定性。


除曼城、西布朗外，今周比較睇好有CS 既仲有車路士。但所謂睇好，真係睇高半線咁解咋。車路士今季已經多次令玩家失望。幾場無得失波既賽事都離奇地失波。連卡迪夫城、諾域治、維拉都可以係車仔身上取得入球。呢隊以往既CS 王，今季令一眾玩家跌哂眼鏡！都唔知點解！但車仔始終係車仔，後防如伊雲奴域雜分唔差，係無CS 情況下都幫補到下。所以如果你唔係太信得過西布朗，都唔係唔可以考慮車路士既。如果以紐卡素上場既表現睇，佢CS 機會其實都唔細。當然，主場又唔同講法既。

又唔係只係睇強弱的~
阿記vs利記，可能係開大都未定~


利申: 有基佬, s7, 謝4, ramsey 同ozil bb

ODIN:又唔係只係睇強弱的~
阿記vs利記，可能係開大都未定~
利申: 有基佬, s7, 謝4, ramsey 同ozil bb (2013-10-29 16:31) 

嘩..........咁多件，我都頭尾兩件咋！

ODIN:又唔係只係睇強弱的~
阿記vs利記，可能係開大都未定~
利申: 有基佬, s7, ramsey 同ozil bb (2013-10-29 16:31) 

強弱當然唔係唯一一個因素但絕對係一項非常重要既因素。無可能唔睇強弱比重的！馬會賠率，車路士對水晶宮同車路士對曼城，賠率都唔會一樣啦。


「睇」，同「只睇」，係完全兩回事！


好明顯，我唔係「只睇」強弱比重啦。唔係邊打到咁多字？


至於「可能」。呢點更加無得討論。可能係大哂的！因為無野係無可能的！我點能夠話阿仙奴對利物浦一定開細呢？但我會傾向相信阿仙奴對利物浦開細既機會稍稍大於開大。另外，除左開大開細外，勢均力敵既比賽另一點不利因素係，控球比例，攻防比例，進攻頻密度等等都會令玩家處於不利既形勢。一場強弱懸殊既賽事，其中一方佔左七成控球率，多達廿三十次攻門，即使最後比數係1:0 ，你買左處於優勢個隊，仍然會係有更多機會取得分數。即使係一分一分咁執，都好過一分一分咁扣。當然，你都可以買弱方既後防搏BS，不過就被動好多。


如果你認為阿仙奴同利記呢場開大既機會較大，咁當然可以重注佢地既球員！我就會採取比較保守少少既玩法。避一避險了。反正唔係無其他風險更低既投資目標，何必鬥氣？

特別一提，謝拉特既打法反而係適合係打戰中攞分。佢係今場既值搏率反而幾高。

朗尼:嘩..........咁多件，我都頭尾兩件咋！ (2013-10-29 16:38) 

可能要睇遠d，我個貴版 ramsey未必keep lu~

繼續有關CS 的話題：


除左曼城、西布朗、車路士外，今周比較引起我注意既，仲有史雲斯。史雲斯9場聯賽中，總共失左11球，即係平均每場失1.22球，唔算好！但睇場次，卻有4場零失球，即係幾乎每兩場就有一場CS！比例絕對見得人！而且，失球既場次，全部係對強隊，包括曼聯、利記、阿仙奴、熱刺，又或者係作客對攻力較強既修咸頓，失球可以理解。相反，四場零失球，主場作客各佔二！對手包括新特蘭、韋斯咸、水晶宮、西布朗！似乎，對住同級對手，史雲斯較有能力控制大局，保持不敗（好幾場CS 都係0：0）！簡單一句，應失既波佢全部輸哂，應保住既CS 既場次佢每次都能達標。呢點似乎同佢以控球為主，崇尚進攻既打法有關。對住強一級既對手，呢個戰略似乎行唔通，而且因為對攻，失波更多。但對同級或次一級的對手。呢個戰術就能夠被有效地執行。有利控制全局，減低失球。今場對手只係卡迪夫城，有望力保清白之身。

不過呢場唔係無暗湧。出乎意外地，卡迪夫城入球能力無想象中咁低。佢曾經分別係曼城、車路士身上取得入球。9 場聯賽中，5場有進賬。總入球數目只係8球。唔算多，但就係輸波都要篤爆你個CS。呢隊波技術唔算高，人腳唔算特別好，但就鬥志補救一切。輸波唔輸士氣。失幾多球都要入番你一球。死唔斷氣。無話大勢己去就放軟手腳。我地買CS 既，最驚既就係呢類球隊。而且5場有入球既賽事，三場係黎自作客。似乎主場作客唔多影響佢地既戰力同鬥志。所以呢場最好既比數就係0：0。CS 袋袋平安！而且史雲斯不乏雜分高既後防球員。捷高、安祖蘭基、威廉斯都係雜分頗高既球員。捷高上季更加係好友好多會員鐘意買既球員。如果嫌貴，有好友推介尼爾泰萊，偷人討論個個TOPIC 到有提到。升價前只係四個幾。有得諗。

相同睇法
今週買人大家既選擇可以好唔同

support

SUPPORT

freezefox:繼續有關CS 的話題：
除左曼城、西布朗、車路士外，今周比較引起我注意既，仲有史雲斯。史雲斯9場聯賽中，總共失左11球，即係平均每場失1.22球，唔算好！但睇場次，卻有4場零失球，即係幾乎每兩場就有一場CS！比例絕對見得人！而且，失球既場次，全部係對強隊，包括曼聯、利記、 .. (2013-10-29 19:47) 

Cardiff vs Swansea 都算係「威爾斯打毗」, 鬥攻意欲可能會較大。 至於CS 啦喎...