引用第27樓火鳳凰於09-07-2010 12:33發表的“”:
不過我都想問一問版主，若果樓主選擇繼續不理不回應，下次我又出過呢段野的話，會唔會又變成「無意義既回覆」？
實話實說
，我真係唔想去估佢既用意係乜，因為可能性太多。或者我換句話問，估佢用意有咩用？
「我同意大家「無辦法去阻止別人去做一個不假思索既人，亦無權強行注入大家既諗法落人地度」，但係我覺得某程度上，大家亦有權去表達自己的不滿。」
呢點我都同意，我由頭到尾都係鼓勵大家發表自己既睇法同意見，但係大家表達自己不滿既方式會唔會有少許問題呢？
呢次問題再次放上黎討論，咁我都不妨講出黎，事源係仙奴兄之前果段「好煩呀881903」x n 既post。
首先我再重申我之前既勸籲：係希望大家能夠少作出一啲無意義既回覆，例子都有講。但係該次勸籲並唔係要訂立啲rules。
而點解唔訂立相關既rule原因有幾點：
一）執行上有困難
要介定「無意義回覆」比較困難，要執行既話，我只能夠針對個別例子作出判斷，而之前列出既就係我「覺得」係屬於「無意義回覆」既例子，當然，今次「好煩呀881903」連發都係。
二）避免文字獄
坦白講，我自己都有係帖入面吹下水，或者有啲離題既回覆。
但係我覺得討論可以係輕輕鬆鬆，唔一定要下下字正腔圓，循規蹈矩。唔好誤會，唔係叫人隨便觸犯版規，而係我覺得係版規執行上可以有啲彈性，如果我諗都唔駛咁多版主 。
所以我都唔想硬性規定大家唔可以作出某啲特定既回覆
三）並非該次討論最重要既地方
果次出post既原因，重點並非著眼於解決「無意義回覆」既問題。因為我覺得問題其實只係好細，我唔想事情進一步惡化（例如成版既人都係「881903
」、「好煩呀881903」)，所以先藉該次機會，勸勉大家減少無意義回覆。
『「不過我都想問一問版主，若果樓主選擇繼續不理不回應，下次我又出過呢段野的話，會唔會又變成「無意義既回覆」？』
所以對於火兄你呢個疑問我都亦用同一個方法：「針對個別例子作出判斷」，答你「唔會」。
但係我覺得如果你苦口婆心既勸諭得不到正面既回應，我會建議你甚至大家，唔好再回果啲你地覺得係「廢聞」既帖，以球聞版既流量，應該一兩日會石沉大海。不過，我自己覺得樓主啲文唔係篇篇都無討論價值的，而佢無審視一下自己出既帖既討論性或者真確性呢點，我都係同意的。
我唔係好慣回咁長既文
如果有咩答得唔清楚，請不吝指正
