雲加漠視球迷，好球員卻不信任雲加 [復制鏈接]

20/8/2011： 雲加漠視球迷，好球員卻不信任雲加             eddy chung
　
星期一在這裡說將小休數天，換來卻是瀏覽量大幅下跌，是應該感到高興還是悲哀？難道偷閒小休數天也不成嗎？你們看得不厭煩時，我怕我也開始有點提不起勁。
一如所料，費比加斯不待我歸來便離隊他投，傳聞拿斯利亦處於「彌留」狀態，加上桑治及謝雲奴停賽，韋舒亞、迪亞比、路斯基、基比斯、查奧爾及迪左奴受傷今仗將缺陣；韋拿被外借；伊保爾人間蒸發；賓特拿想離隊卻沒有球隊願意付出他在阿仙奴這麽高的薪酬；穿上一號球衣那位提早過著吃長糧的退休日子......
在聯賽才進入第二周之際，是的，我在說第二周，而不是在第二十周，我們或許已受到兵源不足的困擾，加上人心思變，玻璃腳滿營。早前說過，要賣費比加斯就請早點賣，至少留回一點時間給自己運用師奶講價式去買人，而不是賣的時候遲疑不決，買的時候又優柔寡斷。
現在的問題不是球迷對雲加有多信任，他需要的，不是我們一時三刻走出來展示出對他的忠誠，而是他的球員對他的信任，明顯地，這信任看來已經越來越少，越來越脆弱。六年來，雲加漠視了球迷的信任，漠視了球迷的目光，一意孤行，而得到的回報卻是，他陣中舉足輕重的球員都選擇離他而去，不再信任他那一套，看來很有悲劇味道，但今天的結果，卻是稍為有想法的球迷都預計得到。
沒有好的球員會願意跟差的球員一同比賽，這個我一早已經說過。沒有好的球員會願意跟一個漠視球隊需要，而跟曼聯糾纏六個月後花上一千二百萬鎊羅致一個十七歲攻擊球員的領隊身上，還有那個十九歲的前鋒祖爾金寶。當全世界都知道阿仙奴需要後防、防守中場及具經驗的球員時，雲加今年簽下的五名球員，其中四名就是攻擊球員，而五名球員中，亦有四名是年齡不足二十歲，這是否第二個五年計劃的開始？
出售費比加斯後那些金錢會往那裡去？是已經換來了張伯倫和祖爾金寶？還是會真的為球隊補充不足？究竟當初的計劃是怎麼樣？費比加斯說要走也說了兩年，有沒有計劃他走後的日子會如何？雲加常常說，他會買球員的，只要他們比現在的球員更好，但今年買的五個球員，除了謝雲奴外，沒有一個能擠身正選之列。雲加所說的「好」，其實不是普通人肉眼所能看到的。

第一場正式賽事，作客摸和紐卡素０：０；

第二場正式比賽，主場被已經拆佐骨既烏甸尼斯禁住打，險勝１：０；

到頭先果場英超大戰，主場慘敗利物浦０：２；

打佐三場波，除佐門將施斯施尼外，無一個球員踢過好波。

依家先第二周，已經傷兵滿營，係球隊入面，

忠心既球員得唔到好下場，

阿仙奴既未來會點？

依家呢隊阿仙奴，除佐擔心，就係傷心。

穿上一號球衣那位提早過著吃長糧的退休日子.....

唔提真係完全唔記得左nh3.....

引用第1樓啪啪啪啪啪啪於2011-08-20 22:30發表的“”:
第一場正式賽事，作客摸和紐卡素０：０；
第二場正式比賽，主場被已經拆佐骨既烏甸尼斯禁住打，險勝１：０；
到頭先果場英超大戰，主場慘敗利物浦０：２；
.......

依家呢隊阿仙奴，除佐擔心，就係傷心。
完全同意

出售費比加斯後那些金錢會往那裡去？是已經換來了張伯倫和祖爾金寶？還是會真的為球隊補充不足？究竟當初的計劃是怎麼樣？費比加斯說要走也說了兩年，有沒有計劃他走後的日子會如何？雲加常常說，他會買球員的，只要他們比現在的球員更好，但今年買的五個球員，除了謝雲奴外，沒有一個能擠身正選之列。雲加所說的「好」，其實不是普通人肉眼所能看到的。



雖然財力，阿仙奴一向都比唔上其他大球會、暴發戶；

但既然賣走法比加斯，換返黎既竟然係張伯倫、金寶，

後防無一個令我有信心，

但就只有贊堅遜一個新兵

依家先第二周，真係不敢想像之後既賽果

黎緊兩場好重要既賽事，對烏甸尼斯同曼聯，

希望周中可以睇到阿仙奴係歐冠杯出局，轉戰霸氣杯

雲加既問題已經一早唔再係單單買人既問題, 佢最大既問題係完全唔理球會既問題.....

買人係其中一樣, 更重要係士氣, 排陣, 佈防, 傷患, 戰術.....etc., 基本上除左盈利, 諗得出既問題阿記都差不多中哂, 不過佢就完全好似睇唔到咁, 唔當所有問題係問題.....

SIDE左雲佩斯同華美倫同沙皇...唉...

引用第6樓麥精於2011-08-20 23:13發表的“”:
SIDE左雲佩斯同華美倫同沙皇...唉...

呢三位 都係諗定後路算啦
雲加唔落台 阿仙奴都唔會復甦

如果係以前，即使係上季，

我都會好期待新一季既來臨，

即使明知英超聯、歐冠杯冠軍唔會有阿仙奴份，

都相信球隊有力爭取前四、八強，

但今季未開咧，已經對今季無哂憧憬。

唔通我對阿仙奴既感情慢慢丟淡？

老老豆豆，支持佐阿仙奴超過十年既我，

都開始質疑球隊既未來、前景。

過去既輝煌唔值得留戀、重提，甚麼全季不敗捧杯，

跨季四十九場不敗，華麗足球代名詞，統統都係廢話。

雖然可能係過份擔心，但其實阿仙奴今季既發展，結果應該同我地相去既不遠。

全季再係咁落去，前四難保，

重心球星又會為自身球員生命而要求離隊，而對球會忠心既綠葉被無情地賣走？

「恨鐵不成鋼」，係我對呢隊阿仙奴既形容詞，

各位阿仙奴球迷，你地會對今季爭標能有多少信心？

引用第6樓麥精於20-08-2011 23:13發表的“”:
SIDE左雲佩斯同華美倫同沙皇...唉...

沙皇黎阿仙奴後幾乎好波既十場都無

引用第8樓啪啪啪啪啪啪於2011-08-20 23:29發表的“”:
如果係以前，即使係上季，
我都會好期待新一季既來臨，
即使明知英超聯、歐冠杯冠軍唔會有阿仙奴份，
.......

仲爭標???

真心覺得士氣差到咁, 依家target應該係保持頭半版唔駛護級.......

引用第10樓icemanbergkamp於20-08-2011 23:33發表的“”:
仲爭標??? [表情]
真心覺得士氣差到咁, 依家target應該係保持頭半版唔駛護級.......

前四都難

睇完呢幾場波

真係覺得仲衰過中型班

早幾年六年無冠，雖然無奈但唔算最失望

但係可見既將來，我實在睇唔出用呢班人馬如何去衝擊任何冠軍

最大問題係，雲加好似真係睇唔到個問題，定係唔覺呢個係問題

等緊今季繼續食白果
最希望歐聯歐霸都冇份
可能到個陣至會醒

阿仙奴兩年後應該有杯捧

向英冠進發