非常母親受審﹕女兒非Band1不讀 [復制鏈接]

http://hk.news.yahoo.com/%E9%9D%9E%E5%B8%B8%E6%AF%8D%E8%A6%AA%E5%8F%97%E5%AF%A9-%E5%A5%B3%E5%85%92%E9%9D%9Eband1%E4%B8%8D%E8%AE%80-213551468.html



【明報專訊】因未獲派第一組別（Band1）中學、兩年來拒讓女兒上學的「非常母親」龔麗坤，早前被控違反入學令昨日受審。教育局督學供稱，原來局方於2010年曾兩度安排龔的女兒到其心儀中學考入學試，惟兩次成績皆不達標。裁判官勸她為女兒的利益着想，龔仍「企硬」高呼「一定要band 1！」


報稱無業、與女兒依賴綜援維生的單親母龔麗坤（48歲），昨遲到近1小時方到庭，她解釋因「搭車搭遲咗」。沒有律師代表的她，被控於去年9月1日至今年5月4日，沒遵守教育局於去年6月22日發出的入學令，沒有安排其施姓女兒於基督教信義會信義中學就學。


考Band1校兩度失敗
龔日前向記者大吐苦水，指女兒是「第一組別優異生」，卻獲分派到第三組別學校。教育局缺課個案專責小組督學周浩明昨日作供時卻表示，原來教育局分別於2010年7月及12月，安排龔的女兒接受其心儀中學、即循道中學的入學試，但兩次成績皆不達標，故未能入讀該校。在去年3月至5月，教育局三度發警告信給龔，要求她安排女兒上學，惟情况未有改善。去年6月22日，浩明周浩明因難以預料被告收到入學令後的反應，故聯同數名同事、警員及兩名九龍醫院精神科醫生到訪龔家。居於油麻地一劏房的龔麗坤當日拒絕接收入學令，教育局人員遂將入學令放在信箱內，即日又寄出掛號信，其後查明信件已簽收。惟龔昨稱自己沒收到該信，信件簽名亦非出自其手筆。


官促為女兒着想
龔指十分疼惜女兒，但暫委裁判官許淑儀聞言即表示，「你做好多嘢、花好多時間，家你個女有無得益？你想爭取啲乜？」又指龔的女兒過去兩年已白白浪費。許續說，本港教育完善，多間學校亦能提供良好教育，着龔應想想其女兒會否開心。但龔即反駁「唔係有個學位讀書返學就可以解決問題」，直言「唔一定要循道（中學），但一定要第一組別！」案件今續。

佢個女的一生就比呢個老母害左

用戶被禁言,該主題自動屏蔽!

循道中學...

名校真係咁重要？

用戶被禁言,該主題自動屏蔽!

liuming:循道中學...
名校真係咁重要？ (2012-08-03 12:25) 

唔係話名校等於一切，不過贏在起步點呢樣又係事實。

但佢個女考兩次都唔達標，就似係個阿媽錯誤評估佢個女既能力。

國球旗:唔係話名校等於一切，不過贏在起步點呢樣又係事實。
但佢個女考兩次都唔達標，就似係個阿媽錯誤評估佢個女既能力。 (2012-08-03 12:35) 

其實既然個女唔達標，又浪費左兩年∼
佢既堅持，已經同樣輸左係個起跑線上∼

我十分認同因材施教~
回想當年，我讀得最開心的時間係o係band5學校讀中六七∼
因為老師係中一至五都冇人聽書，上到黎就教得好用心∼

用戶被禁言,該主題自動屏蔽!

煙花:但....而我不知道循道是名校..... (2012-08-03 12:47) 

循道wor~

痴線...咁就玩左個女兩年時間

用戶被禁言,該主題自動屏蔽!

入倒去要讀得上至叫ok架...

就算而家俾佢個女入到, 一定俾同學玩死.......

煙花:
唔識啵.....最少我請人見到都唔會覺得好特別[表情]

循道都算幾勁，同QE差唔多∼
係差男卅女拔少少

分band係咪跟某機構D排名黎睇?