Melissa Reddy：中場人手過剩或成為利物浦購泰亞高障礙 ｜Liverpudlian Ty
根據 Melissa Reddy，利物浦想要拜仁慕尼黑中場泰亞高艾簡達拿（Thiago Alcantara），但係現時球隊中場球員的數量成為咗一個障礙。
利物浦領隊高普明顯地對泰亞高艾簡達拿有興趣，但係球隊中場球員數量唔少，並且需要有球員離隊，佢先至有可能去羅致新球員。
外界關於利物浦羅致泰亞高艾簡達拿的呼聲越來越高，但係利物浦會方強調，呢啲言論同現實的進度嚟比，係明顯「行前咗」。
無可懷疑，利物浦領隊高普係好欣賞泰亞高艾簡達拿，同時呢位拜仁慕尼黑球員的年齡、事業階段及傷患紀錄，都同球會羅致球員的慣常策略有所不同。然而，佢本身係世界級球員，擅長抗壓、並且擁有超凡控球、傳送及組織能力。
基於泰亞高艾簡達拿的級數，同埋罕有地超凡的技術水平，利物浦明顯地對佢有興趣。如果利物浦方面唔去嘗試探索羅致佢可能性的話，呢個簡直可以話係失職。
泰亞高艾簡達拿同拜仁慕尼黑的合約，已經踏入最後一年，好自然地，佢陣營方面已有一番討論。
呢位西班牙國腳熱切期待加盟利物浦，雖然喺宜家武漢肺炎肆虐的情況下，羅致泰亞高艾簡達拿的轉會費係大約 £30M，同埋佢的薪酬亦係屬於頂級的類別，會係一個唔細的負擔嚟，但係，財政並唔係影響呢個轉會主要因素。
利物浦喺一隊嚟講，仲未計古積及哈利威爾遜，已經有 7 位中場中球員，亦係球隊人腳最充足的位置。利物浦歡迎接獲對上述兩位中場球員的報價。
球隊管理，同埋球員喺隊中是否開心，係高普最緊張、最重視。除非有球員離隊，否則未必能夠羅致泰亞高艾簡達拿。
喺現時情況下，並冇預期有邊個球員將會離隊。沙基利上季只係上陣咗 11 場，部份原因係傷患，但係呢位瑞士國腳，無論喺公開或者私底下，都冇顯示想離隊傾向。
拿比基達、張伯倫及占士米拿，佢哋目標都係喺新球季會有更多的上陣時間。
高普比較喜歡的中場三人組合，係軒達臣、法賓奴及韋拿杜姆，但係韋拿杜姆喺利物浦的長遠未來，會係一個問號。
呢位荷蘭國腳同利物浦的合約，已經去到最後一年。隨著朗奴高文離開荷蘭國家隊，轉而執教巴塞隆拿，令到事情添加咗有趣的元素。
因為喺朗奴高文的荷蘭國家隊，韋拿杜姆係隊中的核心，佢亦都冇排除過接受新挑戰的可能性。鑑於佢喺利物浦已經贏咗好幾個重要的錦標，同埋喺朗奴高文的巴塞隆拿，佢可能會得到一份可觀的合約之餘，亦都會成為球隊重建的核心，咁樣對佢或會有吸引力。
韋拿杜姆可能會喺一月份，同意來自巴塞隆拿，或者其他球會的加盟前協議，同埋喺冇其他球會喺呢個轉會窗同利物浦爭奪的情況下，泰亞高加盟，咁樣並唔係冇可能出現的情形。
拜仁慕尼黑曾經強調，佢哋唔想人財兩失。但係，呢啲嘢最終係由市場去決定。佢哋講出如此有決心地想喺泰亞高艾簡達拿身上得到轉會費的言論，更令人覺得佢哋係想吸引更多球會爭奪。
https://sportsyeah.hk/2020/08/articles/ty/33954/
[ 此帖被羅力亞在2020-08-20 20:37重新編輯 ]
