其實GAME 2 係一個策略性遊戲，並唔係單純的每周互片鬥高分。入面有幾個關鍵點可以比你運用你既策略。
第一，如果每人底分（用分好啦，唔好用好友元啦，係咁過戶無意思，樓主既功夫又多左）係五千分。玩十周，最低限注要一千一周，上限五千（假設先）即係話，佢有機會玩五周就出局（五連敗）。又或者，佢第一周就ALL IN！輸左即時出局，羸左佢有本錢玩到最後。佢又可以考慮第一周先落注一千，連勝兩周本錢夠，可以落注二千，三千，佢可以因應自己手上既本錢同將要應付既支出去考慮每周既注額。
第二，佢每周挑戰既對象未必要一樣。頭一周求保險既，可以只挑J，儲夠彈藥先挑K，有本錢輸得起可以博到A。每周要挑既關卡，可以人人唔用。雖然話挑A 既要將A 既分乘1.3或1.4，難度似乎好高。但遊戲可以規定皇帝隊成員一定要用正隊，唔可以新開球隊，咁樣既話，皇帝隊用咩人完全係有跡可尋！個周萬一係雙賽，皇帝隊可能為左KEEP 人而唔會用盡雙賽。咁挑戰者就有機會偷雞！就算個分X1.3 都未被會好高！又或者你知道個周既皇帝A 係某君，佢成手都係車路士既低價球員，但偏偏個周車仔作客曼聯，可能會影響佢既得分力，搏得過，咪又會加強你挑戰更高位置既意慾囉。
所以，成個遊戲，就變左唔會死版地淨係自己執自己個陣，你要考慮埋對手個隊有咩人。挑戰既值搏率有幾高，從而決定每周挑戰既「層數」。再舉個例，個一周個A 原來係FREEZEFOX，嘩，仲唔ALL IN 挑佢咩！發達啦！
所以，樓主邀請舊人時，不妨考慮搵D 其實唔一定被視為高手既黑馬舊人，再放佢係A 級皇帝位，等大家掉以輕心，以為可以輕易食硬，到時人人ALL IN 就好睇囉！
第三，你就算場場羸，都唔代表你會係皇者。因為人地只要有一周成功挑戰A 級皇帝，所得既分數，會係你挑戰J 級皇帝既十倍。你WIN十場都唔夠人地WIN 一場。即係話，你要睇住你D 對手黎玩。你太保守，羸哂D 賽事都有機會輸左個比賽。
總之，係成個遊戲中，你都要不斷運用策略去挑戰皇帝隊，但事實上，你鬥既唔係皇帝隊，而係同一時間參賽既新人。相反，皇帝隊只係被邀請黎助拳，佢地無新人隊咁強既鬥心。呢個亦係新人隊可以挑戰乘大左分數既皇帝隊既原因。
[ 此帖被freezefox在2012-11-16 10:05重新編輯 ]
