[東南亞]老狐遊記。動感沙巴 [復制鏈接]

成日都係我負責影，都無機會出下場，要亮下相先得！

由於支鏡頭ZOOM 到盡都係得42，唔夠遠，最後索性除埋件救生衣，閉氣潛落去同D 小丑黎番幾張CLOSE UP！呢幾張相影得好鬼辛苦。因為浮力令你好難穩定身形，潛落去又浮上黎，潛落去又浮上黎，想定多幾秒都唔容易。

攪黎攪去，攪起哂D 沙床，攪到張相影出黎都唔多清：

玩完上水，仲比我地見到科莫多龍BB 添。

疑？點解得隻BB龍，D 大龍去哂邊？

沙比島碼頭：



呢D 應該係參加者當地旅行團黎學潛水既遊客：



無美人魚島咁靚，但其實都已經好靚的了。對於我地香港人黎講：




有種浮游天地間既感覺：



雖然有幾百人係個島到。但落水既人都唔算多。沙灘唔見擠湧！可能同太多水母有關吧！

D 船其實就係咁泊係碼頭附近的。



通往小島的木橋。橋的一邊是主沙灘，另一邊較少人去：




所以個邊更加寧靜。更加舒服的。

食完飯返黎先再放埋另一個島，馬幕迪島的相。

好吸引, 好想去.......




不過我唔識游水.......

icemanbergkamp:好吸引, 好想去.......[表情]
....... (2013-06-03 14:37) 

我個仔都唔識游水架。係沙灘玩下浮潛，又有救生衣既，無問題架喎。

朝早去完沙比島，下午就去馬幕迪島。咁既行程稱為「雙島遊」。船公司個邊會收貴多RM10 。入島費就唔駛再比。想去哂咁多個島既，不妨咁安排。否則，安安樂樂留係其中一個島玩其實仲好。因為分別又唔係話真係大得咁緊要。

呢到就係馬幕迪島了。沙比已經細，佢比沙比仲要細。好彩佢唔似沙比係旅客熱點，人少少咁，細D 都唔係好大問題。




一到達碼頭，歡迎我地既係數量驚人既魚群：



真係唔打得都嚇得！

其實沙比島原來已經唔比人再餵魚了。所以我地餵左一陣就比工作人員勸喻唔好再餵。但其他兩個島就無告示話唔比。所以我地就拎埋D 面包出黎繼續餵。


呢個島D 魚無沙比咁靚。但勁大條！條條都兩三斤重咁滯。比佢地包圍真係有DD 驚。

連黃旗倉都有！仲要咁鬼大條！






不過好奇怪，沙比同馬慕迪其實好近，都係處於同一個水域。但沙比成個海都係水母，馬慕迪呢便搵隻睇下都無！真係唔知點解。









呢條應該係食用魚。成日見到街巿有得賣。成隻鸚鵡咁既色水！

終於都出番D 魔魚，唔駛成日都餵雜魚！















聽講馬慕迪島游出少少就會搵到好多珊瑚。可惜個日我帶住兩個小朋友，無游到出去，宜家諗番都覺得有d 遺憾。將來大家有機會沙巴，記住幫我去慕迪島睇睇係咪真係有珊瑚呀！

雖然無游到出去，但都比我撞到條新娘。






大概四點，我地就搭尾班船返巿中心了。

出到去巿中心，就去左間食蝦面好出名既食店食下午茶！



佢d 蝦面真係幾好食的！值得推介！

沙比島而家原來咁多人，我幾年前去覺得最好玩既係沙比島，因為當時係最少人……

我果陣仲要係搭六點幾第一班船去，去到頭半粒鐘得我一家三個人，好似係私人島咁，個感覺好正。

雖然之後陸續有人黎，不過最多果陣都只係講緊幾十人……