魚蛋:好耐冇打文
今次想講 反擊搶截 (奮搶)
奮搶又有個加埋身既混合技 叫掃蕩反擊 不過宜家主講奮搶果部份
出技場景?
.......
(2015-03-14 21:12) 
呢個問題問得幾好，因為小弟自己好耐以前都研究過呢個問題。
小弟 (想當年) 試過打 3340，防中位用全控施里蘇 (反致埋)，WB 係全防馬干 (精埋疊)，CAM 都係全控，得出結果如下：
1. (進攻) 打小組時，CAM 控人做第一人，馬干有時係會做第二人的 (有時由敏判人做)；
2. (進攻) 中場分邊，唔出技時多數係由施里蘇做；不過印象中呢種分邊施里蘇係好少出反搶 (甚至冇)，反而打中堅既 TC 出反搶 (Lv2，當時未改技) 係最多，而馬干有時會做落底 (有時由敏判人做)，好彩就食埋疊+精技；
3. (防守) 防中出 / 小組 / 甚至一扭三時，都係馬干出埋身追，施里蘇唔會；
好，廢 up 完，總括一下。
其實之前我研究反搶技，係因為出反技後，攻勢成功率係計算控球力。所以我假設過，高控球力再出反搶，會唔會令到嗰個中場分邊攻勢加乘提高呢？最後試左一段時間，發覺全防打中堅既 TC 出反搶仲多過佢，所以 closed file 。
而我個人對反搶技睇法，高控人出反搶係好難既事。因為佢欠缺防守力。反搶技發動時，雖然冇畫面睇，但你試諗下，套喺真實足球上，係當人地進攻，你防守時，搶到人地個波先會出動一個類似反搶既場面。所以想出反搶技，防守力係必需呢個假設係成立 (去到後期出組技後，更加印證呢點)。
好喇，至於點樣可以令到反搶技「發揚光大」呢？其實好簡單，就係玩防控。小弟有隻鄧加就玩緊主防副控 (配點99防60戰40體45控)。用途好明顯，除左想頂158防外，仲想加少少控，令到當出反搶時，攻勢加乘有所提高，不過個人用後感其實不大，有機會下次借你打盃試下。當然，呢種玩法亦好需要一個起始高點數既球員先做得好，低星亦唔建議玩。我自己玩巴西連就可以咁玩。
所以，個人對反搶既定義，只係在於搶到人地多一個攻勢。嗰個攻勢 (即中場分邊，落底傳中，射門/頭搥) 入唔入到，就要睇你人腳 (例如，落底球員高敏甩開人，接應球員高敏入楔快，加判高對龍門入波等)，但起碼，人地少左一個攻勢，你亦少左一個失波機會。
