MY 盛 LADY [復制鏈接]

KeL:係好笑
但格格不入[表情] (2013-12-20 23:21) 

咁的而且確佢個段劇情係有d為做而做既sosad

我好開心！今晚我的表妹夫來恭賀我，我覺得這個是最完美最完美的結局！

國球旗:[圖片]
我好開心！今晚我的表妹夫來恭賀我，我覺得這個是最完美最完美的結局！ (2013-12-21 01:39) 

國球旗:[圖片]
我好開心！今晚我的表妹夫來恭賀我，我覺得這個是最完美最完美的結局！ (2013-12-21 01:39) 

表妹夫？

我最鐘意係袁宣個段。睇得最舒服。首歌又好聽。


最失望係最尾呢段，選角己經選錯哂。

最尾呢段本來係全劇靈魂所在。之前鋪排咁多伏線，都係為左最尾將全劇推向高潮。點知………出黎變成反效果，將全劇推向低谷位……


呢個終極盛女要能夠為黃子華帶黎兩個重要既感情衝擊：一，係恐懼！二，係內咎。仲要係極度既內咎！內咎到佢呢五年黎都不可以再投入新的感情，不能原諒自已。但回憶既鋪排所見，極其量只有少量既恐懼，完全帶唔出子華為何要對呢位盛女既「死」感到極度內咎。嚴格黎講，就算所謂既恐懼，都談不上。最多只可以話「怕」左佢。根本唔可能升華到重逢後表現出黎既恐懼既應有份量。


歸根究底，選角出錯。宜家既角色太有霸氣太有殺傷力！要令子華兼受恐懼同內咎既衝擊，呢個角色一定要選平平無奇，亳不起眼，甚至有D 楚楚可憐既人。令子華同觀眾係一開始時，無防備無介心咁「接受」佢，再慢慢透過不斷既滋擾行為，令主角感到厭惡。再由厭惡升華到害怕，最後出現恐懼既感情。為消減呢種恐懼既感情，主角不由自主地作出錯誤既決定，有意冇意間，推左個盛女去死！一定係要有意冇意（其實即係潛意識地，有意推佢去死），而唔係宜家既完全既意外（空難）。咁主角先會係事後出現極度內咎同後悔既情緒。宜家個盛女搭飛機遇空難死左，關黃子華咩事？佢頂多咪難過，極其量有少少過意唔去。邊有可能出現可以扭曲自已人生的內咎感？


敗筆！

freezefox:最尾呢段本來係全劇靈魂所在。之前鋪排咁多伏線，都係為左最尾將全劇推向高潮。點知………出黎變成反效果，將全劇推向低谷位……
呢個終極盛女要能夠為黃子華帶黎兩個重要既感情衝擊：一，係恐懼！二，係內咎。仲要係極度既內咎！內咎到佢呢五年黎都不可以再投入新的感情，不能 .. (2013-12-21 06:20)

我又無全劇低谷既感覺..
當然我都覺子華內疚果個落差做得太突兀~ (可能係俾人剪接左D 橋段, 唔知LA)
但對後期因為呢件野, 而抱著要同歸於盡既心態去幫佢果段既影響又唔係咁大

佢未見番佢係內疚, 見返佢係害怕, 而後黎既內疚就係因為呢件野影響埋花女~
已經唔再係因為前事~

tl9189:我又無全劇低谷既感覺..
當然我都覺子華內疚果個落差做得太突兀~ (可能係俾人剪接左D 橋段, 唔知LA)
但對後期因為呢件野, 而抱著要同歸於盡既心態去幫佢果段既影響又唔係咁大
....... (2013-12-21 20:56)

其實呢, 睇笑片又唔駛太認真既, 不過見你好似唔係好明老狐講乜, 你對佢既回覆都只係重述一次個劇情~~~
其實個劇情大家當然睇得明, 而老狐呢, 明顯係過份喜愛+期待子華, 認真左少少, 但佢講個重點都幾啱的, 就係.....唔配合!

套劇好唔好睇, D人做得好唔好笑, 呢D要另話, 但最後一段就真係明顯唔配合, 感覺好差.~~
感覺差, 唔配合, 唔代表唔好睇, 但唔配合就唔配合, 變成九唔搭八, 幾好睇都係低手, 也真的可以說係敗筆~~

舉個例, 而家睇左18集葉問, 一直都好好睇, 又要打十個, 又同洪金寶打到反枱又反枱, 熱血沸騰咁, 好高興。而葉問原來年輕時曾經誤重傷一個好友而一直愧疚於心, 最後兩集好友強勢回歸報仇, 而好友竟然變成為............IRON MAN!!!
IRON MAN 好唔好睇?? 緊係好睇, 羅拔唐尼做得極好, 另男觀眾又愛又妒, 而最後葉問發揮中國武學打不死精神, 訓低左60次都起返身, 更在生死一線間突然頓悟到中國內家氣功的精髓, 一記打出含有內力的連環80下日字拳, 打爆左IRON MAN心口果盞曼佳美反敗為勝!! 最終葉問更為IRON MAN用內功吸體內碎片出黎, 然後將家傳之寶十八祖先的舍利子輸入IRON體內, 再配合針炙+氣功復完IRON MAN受創的內臟, 最後冰釋前嫌, 大團圓結局, 葉問之後更進一步領悟到御氣飛行, 由IRON MAN 引薦加入復仇者聯盟, 為世界和平出一分力!!!!!!!!!!!

咁好唔好睇? 好睇到暈啦, 但咪就九唔搭八, 睇完會俾人插囉..........

My盛Lady - 黃子華公式改良版

無線劇集的水準江河日下人所共知，以前每年我通常能夠看完三四套無記劇集，今年只有年頭的「老表，你好野」，和這套萬眾期待黃子華的「My盛Lady」。傾無線全台之力的「衝上雲宵2」新不如舊，幾套所謂台慶劇更是令人失望，「巨輪」劇情老土婆媽，「On Call 36小時」則是面目模糊的愛情劇，主角們是否醫生也沒有關係，至於「法外風雲」白痴反智無聊，白白浪費兩位視帝的演出。難怪黃子華今年拿視帝，因為其他劇集真的十分爛。

以黃子華的劇集來算，「My盛Lady」比上不足比下有餘，「男親女愛」和「棟篤神探」是已上了神枱的經典，「奸人堅」是失敗之作不用說。「My盛Lady」前四分三沒有「絕代商驕」的好看，不過最後一章詹端文愛徒蝦頭當壓軸，完場前臨尾一腳超前險勝一球。這次「My盛Lady」依然沿用黃子華公式，不過無記嚴重缺乏花旦，無人可用下女主角被迫起用章魚咀，完全不夠班當黃子華的潑辣女對手，於是只好把潑辣女的角色一拆三。早段章魚咀獨力難持，男女主角明顯欠缺鬥嘴的火花，黃子華贏太盡重覆「奸人堅」的毛病。中段神刁江美儀幫手出力，雖然未能打成平手但至少拉近比數。到了尾段索性換人上場，章魚咀改行當純情女，由盡得詹Sir浮跨真傳的蝦頭奇兵突襲，不是潑辣女而是神經變態女，一下至把黃子華打到落花流水，算是黃子華公式的改良型。詹Sir式的表演技笑是好笑，但看得太多會讓人吃不消，把蝦頭留在最後幾集才出場，是一個明智的策略。而因為蝦頭守尾門的這個安排，這套劇打破了黃子華劇集必定爛尾的宿命，讓劇集有結局高潮。

不知是對手太弱的關係，還是黃子華老了風格緩和了，我覺得今次黃子華有些留力。沒錯依然有子華式金句，但是黃子華演香廣男一角，沒有以前的角色去得那麼盡，戲中搞笑戲份由眾人分擔，不再是黃子華一人獨大，很多時黃子華更是當助攻位置，以他獨有的幽默感先舖排好氣氛，讓其他角色出手把笑點引爆。於是造就了許紹雄的最佳男配角，他演的Kenji哥可說是電視史的一個代表人物，甚至比只是做回自已的黃子華更搶鏡。另一個男配角阮兆祥也是搞笑能手，不過風格與黃子華不同路數，兩人正好互補所長。相對三位前輩笑匠，林子善明顯給比下去，一來黃子華有心提攜後輩，二來總要有個人當下把被糟質。

女角方面，肥妹細細粒已經預了好笑，只是差不知道她會給黃子華玩得多盡。反而黃君韾的粗魯差婆扮港女是神來之筆，「真係架?」「點解既?」「你好叻啊!」「傻的嗎?」讓人笑翻肚被。陳敏芝當女二號理應是低能純情女，她反而比女主角章魚嘴更受歡迎。一來她的主要對手是阮兆祥，沒有與正面交鋒黃子華的壓力，祥仔反而能夠帶出她的搞笑天份。二來想不到她唱歌也很好聽，劇中那首洗腦歌插唱比章魚嘴的Hit Me好十倍。江美儀和蝦頭是王子華鬥嘴的主要對手，相比下女主角章魚嘴顯得失色。剩下的梁靖琪戲份分散，存在感薄弱可以不理。而高海寧扮低能很煩人，她的唯一用途只是當肥仔Bob的獵物。

這次故事雖以盛女為題材，不過沒有一味抄作譏笑港女，反而帶出正面的愛情觀。始終無線不是高登，不可能得失一半以上的女性觀眾。結局所有情人終成眷屬來個集體婚禮，當然亦離不開無記的傳統保守婚姻觀念。每個單元的故事其實似通非通，充斥著各種巧合偷聽等情節，無線專用的劇情萬能膠，勉強把故事接著說下去。其他劇集這可是劇本的失敗，不過看黃子華這倒不要緊，重要是每場戲好不好笑，劇情只要不是走樣得太過離譜，沒有人會去深究是否合理有沒有犯駁。

不知道黃子華還會不會再拍電視劇，若果以這套黃子華公式加強版的「My盛Lady」作終結，也未嘗不是一個美滿的句號。不過如果還有下一套，不要再找花瓶當女主角了，其實無記也有不少有份量的花旦，可以當黃子華的對手。我心目中首選是伍姑娘伍詠薇，次選是鄧萃雯，萬二蚊和田蕊妮，任何一人也能匹敵子華（順帶一提，全部都是隔離台出身）。不過如果說到最有驚喜噱頭，我會揀阿姐汪明荃，汪阿姐是DoDo的威力加強版，恐怕黃子華要出盡全力才可招駕得住。

http://www.inmediahk.net/my-lady

國球旗:My盛Lady - 黃子華公式改良版
無線劇集的水準江河日下人所共知，以前每年我通常能夠看完三四套無記劇集，今年只有年頭的「老表，你好野」，和這套萬眾期待黃子華的「My盛Lady」。傾無線全台之力的「衝上雲宵2」新不如舊，幾套所謂台慶劇更是令人失望，「巨輪」劇情老土婆媽，「O .. (2013-12-23 13:42) 

好多我都不識同

x2....高潮定反高潮, 好明顯係後者....

老狐講既鋪排與結果不乎固然好突兀...

撇開呢點, 其實都唔覺得最尾2集好睇 (原本對蝦頭係好有期望....)

基本上, 蝦頭最搞笑得2幕, 就係洗車同扮花女....

洗車果幕其實同潮性辦公室佢見到送水男既表現90%一樣.....

扮花女個look其實幾ok (真係幾似...), 不過一開始主題曲果陣已經出左, 到預告再出, 基本上播已經冇左新鮮感 (預告都算, 點解主題曲tbb咁快自己"破梗" )

至於臨尾子華周星星上身就更顯得技窮, 大佬家有喜事真係已經睇過n次la, 同1個mode子華點都冇可能超越全盛期既星爺.....

個人結論係網民真係好鍾愛子華, 唔係子華, 其他tbb劇咁抄法應該已被插到狗血淋頭.....所以視帝會俾子華就係咁簡單

寫果篇野果個人,好明顯好鐘意子華, 太主觀了

另外我覺得徐子珊依套做得好好

「我心目中首選是伍姑娘伍詠薇」


認真？

套戲仲有人睇？

freezefox:「我心目中首選是伍姑娘伍詠薇」
認真？[表情] [表情] [表情]
....... (2013-12-23 15:26) 

呀田感覺上都仲OK.....