若然我話係，你做錯左！相信你都唔會點接受。
首先，你既動機係岩，不過你既方法係錯！你有冇聽過人勸交係去打埋一分架？打到人地還唔到手咪唔會打交囉，係話？
你想佢地唔串史密夫，治標既，當然由根本做起，令到史密夫唔再做d會比人串比人笑既行為。唔係走去串番d人，用敵對既態度去同人對駡。咁樣絕對係於事無補既。治本既，可以用冷靜既態度勸解，希望大家唔好攪大件事。但偏偏，你就火上快油，入黎嘈埋一分。我敢話，唔係你入黎攪局，幾頁前呢個topic一早無人回應，沉翻落去（遲d邊個唔生性又推番佢上黎就唔知）。就係因為你「抱不平」，呢到先有咁熱鬧。淨係我同你都留低唔少腳毛，幾乎開拖啦！你認為d人會因為你串佢地而驚左，然後唔再串史密夫咩？會唔會哎，你自己問心。
若然你既目的係幫史密夫，咁宜家好明顯啦，你幫到佢d咩？結果？呢到仲多左人黎「參觀」，多左人黎「分亨」對史密夫既「睇法」。
不過，若然你根本無考慮史密夫既立場，只係出於自己睇唔過眼，覺得d人討厭，淨係想串下佢地，咁ok，你已經做到左。史密夫會點你都唔駛理。
我當然希望你係前者。唔係後者。否則我同你講咁多都無意思。結論係，從動機睇，你無錯，仲好正確添。但從結果睇，你所帶黎既，點都唔可以算係一個好既結果掛。
你仲記得史密夫係日記到同人嘈架。與其入去鬧呢個，鬧個個，不如入去講句：「日記就唔好嘈啦。」對史密夫黎講，係咪好d？不過，你要明白，史密夫係寧願d人入去串下佢，至少等如有人睇佢d野。佢自己都係日記到不斷重複啦：「無人入黎既？」
其次，你不斷地強調，要求我地羅列史密夫既「罪行」。你其實係攞史密夫既尊嚴黎賭大細！你根本無考慮史密夫既立場！你好肯定史密夫係呢段時間內真係無做錯d咩？我相信你唔係真係咁肯定。你只係認為甚至估計佢無。但係，你卻用呢樣野黎賭！賭上佢既尊嚴（雖然都無咩剩……）。你既諗法係：「只要你地講唔出，即係史密夫無做錯啦！咁你地就可以收口。」無錯，若然你好有把握佢真係無犯錯，你呢著行得好岩！但你根本就唔清楚，你就大我地。你有冇諗過，到時人人都走黎講幾單史密夫既罪行個種，呢到會邊成點？呢到會變成史密夫既公審大會！我已經提左你！但你無理到。仲認為我屈你做錯。你已經見到安版主同垃圾桶出埋聲。佢地都已經算厚道，唔係係咁數，你仲想d人數佢幾多野你先滿意？
既然你咁想數佢，咁我轉頭係第二個post到話你聽。
第三，你有一個根本既錯誤諗法。史密夫係杜夫事件之後，再無攪過咩大單野啦！你經常要求大家唔好講番杜夫事件！
錯！我地從來無話過可以將以前既野當粉筆字咁抹左去。當咩事都無發生過。發生左既野就係發生左。你既誠信因此而破產呢個係不可挽回既事實！點能夠話當無件事？我地係話，只要佢願意改過，我地仍然會接納佢！請注意，我地唔係無條件，我地係有要求！所以唔可以話，佢都無再攪咩大鑊野！佢仲攪大鑊野就一早比人ban埋a/c添啦！我地要求佢要作出改善！佢係咪無？又唔係，都算有既，但太少！最重要既係，大家討厭佢既基本問題，佢到宜家都無改（第二個post講）。
係史密夫事件後，我已經不厭其煩地寫成千字教埋佢黎緊應該點做。但可惜，佢全當耳邊風。根本就「啋你都傻」。試問，有幾多個人有咁既耐心不斷去教一個唔聽話既小朋友友哎？我自問就無啦。你呢？都唔見得有哎。我見你用係同人嘈交既時間，多出用係教導史密夫既時間唔止十倍哎。
記住，佢已經唔可以當自己係普通會員，當咩事都無發生過咁去開topic，出post。佢想改變周圍既人對佢既睇法，佢一定要付出雙位甚至三倍既努力。努力洗底呀！明唔明？唔係當無事發生過咁仍然固我呀！一個普通會員做番佢宜家既行為，可能只係比人係咁疑講兩句就算。但同樣既行為發生係佢身上，就一定會比人圍串。呢d唔叫唔公平，呢d先叫公平！因為大家係對佢整個人一直以來既行為作出評價同反應，無人會單就住一件事去睇一個人評價一個人。你都唔會。
舉例一個積犯，佢出番黎，唔單止唔可以再犯罪（呢個一定啦），仲要自己避忌，小做d瓜田梨下既事。唔係一定會引起人既疑感。到時你又話：「嘩，你地帶有色眼鐘睇人。佢番去搵番班兄弟聚舊者！無話跟佢地去打劫喎！」呢d咪就係唔識避忌囉！史密夫宜家最大既問題就係一d都唔避忌，依然故我囉。
「以前既野唔好計」！呢種諗法，同史密夫既諗法真係不謀而合。佢就係因為咁諗，所以到宜家都無真正改過。我唔係話佢完全無改，但正正佢一直認為自己「行得正企得正」，所以佢依然故我。根本無諗過要改善同呢到d人既關係！再咁落去，你日日同佢護航都無用。佢出一個post，自自然然就會引黎無數人圍串。因為佢仍然做緊一d杜夫事件個陣既行為。佢一日唔改，大家既關係一日都唔會有改善。你就淨係單方面鬧其他人，叫佢地唔準串史密夫。你真係從來無諗過，點解呢到幾千會員，佢地人人唔串淨係串史密夫？無風焉能起浪，空穴何來生風？
[ 此貼被freezefox在2006-01-24 11:19重新編輯 ]
