引用第12樓我要打十個於2012-01-04 21:30發表的“”:
老狐, 雖然你有時真係好長氣, 但係我都好佩服你肯為yff做甘多事, 打甘多字. 可能未必個個人都認同你, 但係你付出的心機同時間大家都見到的
你知唔知我最傷心既係咩？
我最傷心既係，睇住當年一個個可愛既後輩變到宜家個個面目全非………已經唔係當年我所認識既好友了………
我曾經視為子姪一般去關心既後輩。
我關心你地既學業，我關心你地既感情生活，我關心你地既前途。你地有難題，有困惑，我總係不嫌其煩咁比意見，長氣到死。我係希望我既人生經驗可以比到你地參考。希望我既失敗經歷可以成為你地既借鏡。我希望我可以給予後生既一輩正確既價值觀，唔好咁易被社會功利主義同化。咁好咁易放棄自己既原則。
不過，可能因為我太過投入呢個角色了。又或者太過自以為是了。不知不覺間，我反而成為人地眼中老氣橫秋既老屎忽！專橫霸道，有我講無人講。我忘記了一個最重要的事實：
你地都已經長大了。不再是當年的黃口小兒了……我卻無法轉調。仍然故我。
於是，原本眼中值得尊敬既長輩，一下子突然變成面目可憎既討巴士阿叔…………
這是一個十分可悲的結局。
