偷左5 蚊人一定有利。呢點唔駛多講。尤其個班5蚊幾乎都係球隊主力。車路士個三個真頭係10蚊都可以長KEEP 既對象。何況係5 蚊？呢個遊戲，我地好多時爭既都係一蚊幾亳。宜家一黎就有20蚊既分野（計埋山齊士）。無偷人真係處於一個極度不利既情況。
不過，凡事都無絕對的。如果大家都係年資長既玩家，應該記得，好多年前都出現過類似既事件。當然又係咁（不過唔係開季），突然出現大減價時段，享利跌到19蚊（願價係2X 蚊的），雲佬同埋幾個重要既球員都大減價。無記錯當年曼聯籠門係候活。佢都減左一大截。又有只有部分玩家偷到人。造成嚴重不公平現象。
當年影響係有，但無今季咁大，雲佬有段時間狀態低沉，偷左既無著數之餘仲變左負累。侯活（唔知有冇記錯係咪佢）一樣，好多偷左既人結果都要放番佢。真正影響個遊戲既就係19蚊既亨利。因為佢持續高分。有亨利同無亨利真係爭好遠。等如之後有7蚊c7 同無7蚊c7 ，有2蚊巴爾同無2蚊巴爾既情況一樣。不過後兩者係你自己唔偷人，無得怪人。前者即係遊戲既bug 造成既不公平現象。最後，個季都順利完成。好多玩家雖然無亨利，但仍然玩到最尾。鬥志可嘉！好友同時亦舉辦左第一屆爬冷大賽，同一樣方式對抗呢個不公平現象。遊戲，其實可以係好多唔同情況下繼續的。
