好chur
北海道係適合慢慢行既地方，睇到你一日去好多地方咁，其實有D浪費左呢個地方
Day 1
Book車我唔識，但我想問，點解會book一間同你既行程完全唔順路，又遠既地方做你第一日既住宿？
其實旭川有好多好平既地方住，定你對民宿有情意結？
如果係有情意結既倒不如搵返美瑛民宿，咁你第二日一早行Patchwork/Panorama，晏晝出旭山動物園咁咪會舒服D？
&除左旭山動物園，札幌個円山動物園都一樣好大好多野睇，其實如果你行程唔順既話，你可以留返札幌先去動物園
Day 2
旭山動物園，其實你有三小朋友既話，你預朝早行晒動物園係會有D趕
我呢個大人行都行兩個幾三個鐘…小朋友如果比較好奇睇動物既話其實會可能再花多少少時間
而Patchwork Road你齋兜既話其實你同冇去過係冇咩分別
呢條路即使唔踩單車，都有D位係落車欣賞下附近唔同丘陵綠油油既環境
如果冇咩特別興趣既話你skip左佢亦得……
同埋我個人覺得南面Panorama會更靚…
再唔係去四季彩之丘，有草泥馬，花期又有好多花，雖然比較多遊客，但相對會比較適合小朋友
Day 3
7月大雪山溶雪架喎，你上去可能冇咩野做
富田農場其實都有野食，食野唔係特別貴
所以唔一定要特登去第度食完野再去
同埋富田農場近彩香之里，睇花黎講自駕
你呢三個地方應該揀兩個地方，一個朝早一個晏晝去就夠，三個地方之餘你仲要去星野渡假村，成日又係會超趕咁
Day 4
未去過冇comment
Day 5
唔太熟悉休息點，但我諗休息站黎講停 道の駅 夕張メロード 已經夠
千歲水族館係一個行程唔係一個休息點
Day 6
鱗友朝市 雖然我冇去過，但睇落都幾細下，唔肯定有冇蟹食
小樽三角市場D價錢就麻麻地，同埋都係好細
去場外市場食蟹相對比較抵同舒服
同埋小樽都好難玩到一日，你倒不如食完蟹去余市定仁木町有D生果園任摘，或者去場外市場食完，中午先出發去小樽
你拖住三個小朋友我諗你行小樽最多人行o個條街都幾危險…好多玻璃
Day 7
冇食過蟹，但格過其他野既價，場外市場會平少少…
夜晚未上過山，幫唔到你
BTW，富良野蜜瓜都好出名，Funano Marche - 蜜瓜好平，富良野市內，我都幾鍾意去
同埋你7月係北海道花期，好多人去避暑同睇花，你原本個行程好似相對冇咩為左花既行程，感覺好似浪費左北海道既夏天……
