紐卡素的林伯特 / 來自米蘭的新羅拔 [復制鏈接]

個人唔贊成紐卡素打四五一。唔係因為中場問題，係因為……

實在無可能要舒利亞打單箭頭。

四五一陣下，對單箭頭既苛索，實在係大得不得了。長期咁打，舒利亞好快埋單。

對舒利亞而言，紐卡素前鋒殺手呢個重擔，佢實在係掮負不來。佢有經驗，有技術，亦有鬥志。但歲月摧人，無可能再做衝鋒陷陣既工作。佢必需要稍稍移後，將第一前鋒既位置讓出。令用自己既經驗，帶領新人。否則，對球隊，對自己，都唔係好事。

下面是引用freezefox於2005-08-15 22:01發表的:
若能盡快簽入一名具份量、質素的前鋒球員，紐卡素還是有力與列強一拼的。
p.s.所以，安歷卡真係肯黎既話，紐卡素就掂好多。

我都想佢去紐卡素，佢d波真係幾好睇~~

其實桑拿士轉陣後4-5-1果個"1"唔係留俾舒利亞long term打的......
今年既轉會市場紐卡素都好努力去針一d前鋒番黎
好可惜暫時都係未有人黎
咁無辦法..老舒頂住先

而家前鋒得shearer, ameobi同 卓柏三人.....
打442會比較這勉強
相比之下我認為用五個夠活力既中場去"拱照"舒利亞
舒利亞頂60分鐘....... 然後換入艾美or卓柏
咁樣既攻守協調性應該會較好

當然還是盡快買人更好吧

我反而覺得，以宜家既紐卡素中場人腳分佈，打五個中場只會累贅。打番傳統四四二對佢黎講簡單又易控制。

四五一係一陣非常難掌握既陣式。利記打黎打去都打唔掂……以利記既人腳，比紐卡素更適合四五一……

得舒利亞一個人係前面博殺！

我覺得打4-5-1只會減低老舒能力, 況且如果老舒仲係當打, 可能仲對付得黎, 但家陣要佢箍波, 頂波,

射門, 再多體力都撐唔足咁多場, 再者, 紐記後上殺手o既能力真係唔強, 但若然睇桑拿士開始擺o既陣,

中場由柏加搭保爺, 我硬係覺得桑拿士係想柏加著重防守多於進攻, 除非老桑佢肯將柏加搭菲爾, 唔係

o既話我覺得只會哂左柏加o既傳送功夫

我反而覺得紐記係想打433....而唔係451啵.........
果場比人感覺打441....只係打少一個既錯覺掛??

打433....
　　　舒利亞
　安利　　　戴亞

保耶　柏加　贊拿斯

類似車仔既打法....
舒利亞反而做既係二傳....
同做多D空位比安利戴亞入楔....
分簿左舒利亞入球既工作....

好似比拿美話齋....真係靠戴亞喇.....

果場戴亞無表現....右手邊無左贊拿斯都係其中一個原因....
要佢自己一個對付高爾....可以話無可能....
有番贊拿斯...我相信會係另一個景象....

特別提一提....
喪拿士....最最最成功....我覺得唔係買左安利或者柏加(雖然佢地兩個確實幫紐記增加唔少元素)
最最最成功....我覺得莫過於上季季中買左保SONG番黎....差幾遠啊....
佢拍巴布爾....就好似李奧拍施維斯達....
減輕左後者既壓力....成條防線當堂差好遠.....

下面是引用freezefox於2005-08-16 01:56發表的:
我反而覺得，以宜家既紐卡素中場人腳分佈，打五個中場只會累贅。打番傳統四四二對尨切螞眾璊S易控制。
四五一係一陣非常難掌握既陣式。利記打黎打去都打唔掂……以利記既人腳，比紐卡素更適合四五一……

我覺得...利記絕對有四五一既中場....但係唔夠四五一既前鋒....

摩連...佢跟本唔適合打四五一....佢無咩速度....
做二傳或者頭搥先可以發揮佢既威力
打四四二先岩佢....

巴路士....
同摩連岩岩相反....
佢要既空位....然後直線....
打箭頭的話....佢比人MARK死左....
跟本好難搶空位.....
反而係捷克有高拿.....比二傳佢之餘....由引開對手既後衛先岩巴路士......

高冶....佢一來簿弱....點打單箭頭....
單箭頭好講體力同身型....
佢有身高....不過....唔代表身型好.....唔夠撞.....
有摩連的話....我跟本唔明買佢番黎做咩.....


最最最適合打單箭頭既....應該係施斯喇....
不過得一個適合打四五一既前鋒....
我覺得利記打四四二可能仲理想.......

轉會市場幾時關~?

下面是引用freezefox於2005-08-16 01:56發表的:
我反而覺得，以宜家既紐卡素中場人腳分佈，打五個中場只會累贅。打番傳統四四二對尨切螞眾璊S易控制。
四五一係一陣非常難掌握既陣式。利記打黎打去都打唔掂……以利記既人腳，比紐卡素更適合四五一……

就算係曼聯都要打o左一季先打得掂個4-5-1，

而家叫紐記4-5-1即係叫老豬快d退休者~~~

下面是引用新手於2005-08-16 18:44發表的:
我反而覺得紐記係想打433....而唔係451啵.........
果場比人感覺打441....只係打少一個既錯覺掛??
打433....
　　　舒利亞
.......

對呀.... 就係果種會cut入中間射波既翼鋒
不過就係略嫌安利既侵略性未夠勁
所以桑拿士咁想般莫迪黎就係咁解

下面是引用bellamy於2005-08-16 19:54發表的:
對呀.... 就係果種會cut入中間射波既翼鋒
不過就係略嫌安利既侵略性未夠勁
所以桑拿士咁想般莫迪黎就係咁解

奧雲都係喱種添~哈

而家紐記見得下人既前鋒得舒利亞同艾美奧比兩個
我覺得奧雲過去既機會真係幾大....

最大問題....皇馬吊高黎賣果下衰格=___=""

下面是引用新手於2005-08-16 18:52發表的:
我覺得...利記絕對有四五一既中場....但係唔夠四五一既前鋒....
摩連...妐禰賒蠷A合打四五一....妗L咩速度....
.......

你既見解同何輝好相類近
果晚睇廣東電視台曼聯對愛華頓果陣
比亞堤未傷出果時佢已經講左比亞堤係唔適合打愛華頓既單箭頭既
原因就係打單箭頭既球員需要不停咁走位去配合球隊攻勢既
而比亞堤係果種"棟"起禁區頂等波果度球員
所以產生唔到乜野作用
反而Bent就有咁既能力

所以基斯普夾車路士，簡直天衣無縫！

若然傳言屬實，真係用贊拿斯換羅比堅尼，情況又唔同囉喎。