淫照風暴之萬箭穿心 無線懶理投訴破紀錄 阿嬌上《勁歌》繼續捱轟 [復制鏈接]

引用第14樓任天痕於2008-02-21 14:50發表的“”:
好多email都叫人投訴.......
反對TVB星期三23:05《勁歌金曲》出現鍾欣桐
　　作出嚴正投訴
　　
.......

其實我真係覺得佢唔應該再出黎...呢d場合...

真係好大影響架...

偽人係好應該同自己做過既事負上責任...至少一年半載唔好出黎...

等事件淡忘...咁d人對佢印象無咁差同埋比人冷靜下件事麻...

引用第13樓goaheadpls於2008-02-21 14:48發表的“”:
但個樣就.... [表情]

佢個樣好差咩? 都靚過好多人喎...

但肥方面...我都唔會駁你.....

仲有呀...而家出反黎又無哂事咁...私下會唔會仲鬆毛鬆翼呢?

設計對白:

"車...我咁樣都大把人撐我...我下次再勁D都仲得"

欣宜依家正面好多啦....阿媽走左之後大把長輩支持佢!

阿嬌有英皇頂住.... 萬大事都唔怕

引用第17樓sun於2008-02-21 15:30發表的“”:
仲有呀...而家出反黎又無哂事咁...私下會唔會仲鬆毛鬆翼呢? [表情]
設計對白:
"車...我咁樣都大把人撐我...我下次再勁D都仲得"
.......

而家已經係好勁喇喎......再勁Dge只有玩SM、變態、被虐..........

引用第19樓任天痕於2008-02-21 15:54發表的“”:
而家已經係好勁喇喎......再勁Dge只有玩SM、變態、被虐..........

陳xx多女濫交你都好似話正常...佢玩呢d有咩唔得?

引用第20樓sun於2008-02-21 16:01發表的“”:
陳xx多女濫交你都好似話正常...佢玩呢d有咩唔得? [表情]

可能佢已經玩左呢.....不過果次咁啱相機冇電之嘛!

引用第21樓雲雀於2008-02-21 16:04發表的“”:
可能佢已經玩左呢.....不過果次咁啱相機冇電之嘛! [表情]

可能響另外一部電腦度就真！

引用第22樓goaheadpls於2008-02-21 16:09發表的“”:
可能響另外一部電腦度就真！

有都係發生呢件事後，全部燒毀........

引用第23樓任天痕於2008-02-21 16:21發表的“”:
有都係發生呢件事後，全部燒毀........

拍得呢D相都係想keep住日後睇，
所以應該冇咁易全部燒毀晒既。收得密D就真！

投訴鍾欣桐這個淫照女主角在青少年喜歡看的節目時段出現，對家中小朋友
有不良影響，敗壞社會風氣，令小朋友以為拍祼照只是天真及傻的表現！


個理由根本完全唔成立！


哎………其實大家有冇諗清楚，「拍裸照」同「被人惡意公開私人相片」係完全兩件事？

一個拍過三級片或影過全祼寫真既既女星，都可以上電台做節目、領獎、頒獎！大家完全唔會認為佢「敗壞社會風氣」！有冇人好憎鄭文雅架？有冇人好睇唔起舒琪架？無喎！

但係未經自己同意下，被人惡意公開自己私人相片既人，係受到傷害既同時，反而仲要被人口誅筆伐！周圍send 相睇相傳相個d 就唔係傷風敗德！當時人就傷風敗德！好野，好野！好一個賊喊捉賊！



即係等如，一個被人強姦或非禮既人係有罪既，因為佢唔再純潔啦！污穢不堪啦！應該要吊死佢！嘩！呢d 咩思想黎架？宜家仲係封建時代呀？

引用第25樓freezefox於2008-02-22 01:46發表的“”:
投訴鍾欣桐這個淫照女主角在青少年喜歡看的節目時段出現，對家中小朋友
有不良影響，敗壞社會風氣，令小朋友以為拍祼照只是天真及傻的表現！
個理由根本完全唔成立！
.......

我覺得最大問題係阿Gill講左~~

<<我以前好天真、好傻>>


佢依個理由好假~~~

比人覺得佢好'偽'既感覺~~~

做藝人~~

唔多唔少都會有人當藝人係自己既偶樣~~

佢自己咁既榜樣~~~

你叫D~~普通市民點睇佢好呢

引用第26樓utadahikaru20於2008-02-22 01:59發表的“”:
我覺得最大問題係阿Gill講左~~
.......

其實我真係諗唔明，呢句係咪真係咁有問題！


你可以講，我個陣好蠢！好白痴！影埋D 咁既相！

當然，當事人自然係希望淡化自己係事件上既錯誤，所以用D 較軟性既詞彙。即係「天真」同傻！


但無論係天真、傻、蠢、白痴！講黎講去，個意思都係差唔多。都係承認當初影呢D 相無經過深思熟慮，留有今日後患，結果自食其果！但點無用腦諗又好，點衰都好！始終係私人既行為，同公眾根本一D 關係都無！

周圍放咸相既，唔係佢地喎！大佬！係傳媒呀！係我地呀呢班網友呀！！！！




大家究竟有冇諗清楚！邊個先係真正「傷風敗德」呀！！！投訴人個班，我恐妨唔少有份周圍SEND　相喎！

引用第27樓freezefox於2008-02-22 02:34發表的“”:
其實我真係諗唔明，呢句係咪真係咁有問題！
.......

但無論係天真、傻、蠢、白痴！講黎講去，個意思都係差唔多。~~

好有分別~~

天真

在古代，天真是指心地純真，性情直率，沒有做作和虛偽，擁有人天生的真摯。

形容小孩「天真活潑」、「天真無邪」，都是建基於以上的解釋。

在現代，天真衍生出第二個解釋，指頭腦簡單，容易受假象迷惑而上當。

古代和現代的解釋似乎是因果關係，因心裡真摯，故易受欺騙。



指頭腦簡單，容易受假象迷惑而上當。~~

佢點睇都唔似啦~~下話

引用第28樓utadahikaru20於2008-02-22 03:02發表的“”:
但無論係天真、傻、蠢、白痴！講黎講去，個意思都係差唔多。~~
.......

你好似唔太明我講咩。

天真咩意思唔重要！我亦唔相信佢去影呢d 相係「天真」（仲有，我唔明你d 所謂古代、現代既傳釋係點黎………）！

但問題係，即使佢影呢d 相唔係因為天真，去到最盡最盡，佢都只係蠢！鬧盡d 都係「白痴」！

即係，個分別就係由「天真」去到「蠢」！就係咁簡單！但無論係天真，定係蠢！都係個人既問題，影響既係個人（至少呢件事上係！）個人行為既缺憾，關公眾咩事？即係你蠢，你炒燶股票，都係蝕自己錢者，我可唔可以鬧你哎？

天真，係美化既詞彙咁解者！佢唔係天真，但斷斷你都無可能將佢呢種行為歸納為「賤格」、「卑鄙」、「無耻」、「惡毒」、「陰險」………所有有傷害性既形容詞。

講黎講去，你頂多咪鬧佢蠢！咁蠢對公眾無影響架喎！

你可以鬧佢荒淫，只要你本身亦係反對婚前性行為就得！

你亦可以話佢虛偽，但成個娛樂圈都虛偽架啦！我又唔明做咩係要淨係啄佢一個！究竟宜家既批評，同佢既行為，係咪真係balance？即係，佢做過咩真係要我地咁樣去煮死佢呢？我真係好疑惑………




佢既然都無做過傷天害理既事，你故然可以唔喜歡佢，咪咪理佢囉！但今日出黎踩多佢幾腳既，似乎好大怨氣，覺得佢十惡不赦佢！我真係我想知道佢邊忽得罪大家………