[日本]新手請教日本親子遊~~ [復制鏈接]

羅力亞:https://beauty-upgrade.tw/69996/
抄埋sushiro[表情]
 (2020-01-10 19:27) 

不過你一家人去可以食豪d la
我就話一支公窮遊者

麻凡:寶石入手~[表情]
$1023 240平方，仲要係東京駅，咁鬼平既？
唔係你介紹，自己搵的話，可能唔敢book 添，太著數怕有古怪~~ (2020-01-10 19:05) 

因為離東京站遠，要行十幾分鐘。

但好近地鐵站，去迪士尼方便。因為就係個條線。去澀谷、台場都好方便。

去台場有得諗
仲可以考慮埋teamlab

freezefox:因為離東京站遠，要行十幾分鐘。
但好近地鐵站，去迪士尼方便。因為就係個條線。去澀谷、台場都好方便。 (2020-01-10 20:49) 

都可以再轉ｄ乜ｘｘ線既...

明白哂，要開始研究下各大景點同埋d 乜xx 線了~~

freezefox:日本訂酒店，非必要唔好包早餐。
1.  一加早餐，好多都會加你幾舊水。平均百幾蚊一個人！ 唔值！
....... (2020-01-10 18:35) 

我反而係好重視同鍾意日本酒店嘅早餐
要食日式傳統/地道早餐，出面冇一個地方比喺酒店食得傳統同好
周圍食到嘅唔係快餐店就係啲速食早餐，好少地方係食當地食材或者當地特色嘅早餐

我平時揀酒店，睇佢嘅早餐都係我好大嘅考慮因素

同埋我平時揀酒店通常加早餐都係爭500円-1000円，冇咩試過要加百幾蚊一個

個D 係要去一泊兩食既酒店先食到的。即係溫泉酒店。

你去D 商務酒店，有鬼傳統早餐地道早餐食咩，咪又係炒蛋腸仔煙肉之類。仲要係整得好難食個隻。

我試過早餐有魚生飯食，有蜆肉湯，好正架。


順帶一提，麻凡你訂個間寶石酒店個早餐都唔錯的。一千YEN左右，雖然都係一般西式早餐，但算係整得幾好食同埋都幾多野揀。 呢間都食得過的。

ODIN:都可以再轉ｄ乜ｘｘ線既... (2020-01-10 22:07) 

你講去東京駅？

我親身經歷係，搭一個站地鐵去東京駅再轉乘JR ，所要既時間，同我直接行去東京駅係無分別的⋯⋯⋯

當然，係有分別，個分別就係，一個你要全程行，另一個你行一半，企一半啦（唔好諗住有得坐 ）。


東京駅真係大到痴線，由八重洲出口行去 丸之內西口可以行成六七 分鐘。去其他地鐵既轉乘口行十幾分鐘。真係行去轉乘口不如直接行去酒店好過。

freezefox:個D 係要去一泊兩食既酒店先食到的。即係溫泉酒店。
你去D 商務酒店，有鬼傳統早餐地道早餐食咩，咪又係炒蛋腸仔煙肉之類。仲要係整得好難食個隻。  (2020-01-10 22:56) 

Superhotel通常用當地食材
Dormy Inn直頭會有當地出名嘅食物做早餐
有啲細細地嘅酒店亦都有啲特別啲嘅早餐，自家豆腐、芝士、關東煮呀諸如此類
仲可以係咁飲牛奶


不過東京大阪最多旅客嘅城市又好似少啲咁嘅
(但北海道嘅酒店早餐就真係不得了，有啲直頭有魚生飯任食)

Dormy Inn 屬於少數 早餐OK 的酒店。我住過一兩次，都有食佢地既早餐。 魚生飯就係其中一個主打。 但始終，係城巿地方， 呢類酒店唔多。 考慮訂邊間酒店時，早餐唔會係我重點考慮既要素。其他有更多更重要既元素要考慮。


但如果我去泰國、越南呢D 地方旅行，早餐就係一個我非常重視既元素。如果D 人既COMMENTS 話個間酒店早餐唔得，我會扣佢好多分的。

其實...日本人係好少出街食早餐 所以日本唔似台灣咁多早餐店,同埋食得好簡易

一個包/一碗飯+納豆或者蛋就係佢地既早餐

所以想正正經經坐低食早餐通常我去cafe就算,佢地既set 4-500yen到有杯咖啡+包其實都唔算太貴

freezefox:Dormy Inn 屬於少數 早餐OK 的酒店。我住過一兩次，都有食佢地既早餐。 魚生飯就係其中一個主打。 但始終，係城巿地方， 呢類酒店唔多。 考慮訂邊間酒店時，早餐唔會係我重點考慮既要素。其他有更多更重要既元素要考慮。
但如果我去泰國、越南呢D 地方旅行，早餐就係一個我非常 .. (2020-01-10 23:18) 

dormy inn係連鎖酒店入面定位都算係高

佢地既溫泉旅館我都好鍾意因為多數都有無料貸切同埋有免費宵夜(拉麵)食

英俊:其實...日本人係好少出街食早餐[表情] [表情] 所以日本唔似台灣咁多早餐店,同埋食得好簡易
一個包/一碗飯+納豆或者蛋就係佢地既早餐
所以想正正經經坐低食早餐通常我去cafe就算,佢地既set 4-500yen到有杯咖啡+包其實都唔算太貴 (2020-01-10 23:18) 

趕時間既，我會食老麥、 松屋。 我覺得日本既老麥係好好食的。同香港無得比！人地D 鬆餅係真係鬆軟的。


時間充裕既話，我會係沿途搵  EGG & THINGS ，GRAM 之類既餐廳食。 當然你唔可能日日都去，但一個TRIP 去一次兩次我覺得OK 。去呢D 地方食早餐根本就可以當係行程之一。


順帶一提，台場個間GRAM 好正架。去台場既話記住試下。 幕張個邊都有間 EGG & THINGS 的。 可以一試。


超趕時間的話，七仔啦。諗咁多做咩 。  就算酒店免費送早餐你都唔得閒食啦。