◤紅軍研究所◢ - ☆ You'll Never Walk Alone ☆ 永不言敗！ [復制鏈接]

ＴｕＮｇ:同埋今季好彩係踢歐霸, 如果踢歐聯既話都係要場場出正選 (2023-11-03 12:06) 

雖然係次一級比賽, 但間中睇下歐霸都幾開心, 夠輕鬆.

如果可以好似Houllier時代, 贏番個杯賽三冠王, 加聯賽第二之類, 今季作為transition的一季, 都好收貨  


...................不過Sevilla好似好想跌落去Europa作賽咁

posouth:聯賽Jones終於停完賽, 今場出得.  [表情]
不過正路都係M10+G38+S8了, 變咗宜家佢三個跑出, Jones+Elliott+Endo三個副選, Bajcetic+Thiago就繼續霸住個床位 [表情]  (2023-11-03 20:53) 

我覺得暫時聯賽係鐘斯排前過加雲貝治。加雲貝治仲需要啲時間嚟適應球隊既打法。反而鐘斯已經可以充分執行戰術。

xG黎講Luton 1.34, Liverpool 3.04, 另一個site甚至話Luton 0.90, Liverpool 3.51!

今場的結果, 我會覺得第一今季唔使諗爭冠, 繼續爭頭四了. 第二係如果唔係爭冠, 咁一月或夏天我寧願賣Salah了.

出Salah好似係出一個好強的creative playmaker, 做就隊友, 超強閱球力同傳送, 吸引防守球員向自己. 但自己過唔到人的. 即係完全放棄右翼一瓣波. 宜家除非Szoboszlai或TAA幫佢overlap run, 佢係無辦法再單對單過人, 甚至加速少少借一步斬波都困難. 連出Elliott都好以有威脅少少.

Jota或Gakpo上腳時, 會唔知佢點玩, 可以開好多瓣. 宜家一個左閘要mark Salah, 好似變得好易咁.....

唉, sad爆, Luton之前係10場輸7場的貨色, 唯一和到的係對森林, 狼隊果D.

posouth:今場的結果, 我會覺得第一今季唔使諗爭冠, 繼續爭頭四了. 第二係如果唔係爭冠, 咁一月或夏天我寧願賣Salah了.
出Salah好似係出一個好強的creative playmaker, 做就隊友, 超強閱球力同傳送, 吸引防守球員向自己. 但自己過唔到人的. 即係完全放棄右翼一瓣波. 宜家除非Szoboszlai或 .. (2023-11-06 09:06) 

尋晚計，艾利洛係右路既側擊能力，仲強過沙拿。


艾利洛真係可以慢慢調較成右路進攻既一個重要核心。當然，成個FORM 要再調節過。

freezefox:尋晚計，艾利洛係右路既側擊能力，仲強過沙拿。
艾利洛真係可以慢慢調較成右路進攻既一個重要核心。當然，成個FORM 要再調節過。  (2023-11-06 10:19) 

尋日完全放棄兩邊中間塞哂車
不過我覺得如果jones出到應該贏到

Fulham is currently the strongest candidate in England to move forward with signing Andre.

Liverpool are working with other options in the market to strengthen the midfield.

傳左半季最後又唔簽

ＴｕＮｇ:Fulham is currently the strongest candidate in England to move forward with signing Andre.
Liverpool are working with other options in the market to strengthen the midfield.
傳左半季最後又唔簽 [表情]  (2023-11-08 01:04) 

死症, 其他無限金錢球隊係全世界加盟XX系列, 我地係全世界防中都唔肯加盟系列.

基本上一個防中, 證明到自己係勁得過Endo, 都可以正選立足, 加埋同Klopp合作. 咁都無人有興趣.

對Toulouse, 唉

posouth:對Toulouse, 唉 [表情]  (2023-11-10 05:00) 

算係今季踢得最差既一場
成隊狀態都勁差

ＴｕＮｇ:算係今季踢得最差既一場
成隊狀態都勁差 [表情] (2023-11-10 05:15) 

以前好多時係以呢D盃賽, 俾二線兵證明自己身價. 宜家點睇都係證明緊點解二線兵係二線兵  

Tsimikas第一球真係差到, 個種大意......

posouth:以前好多時係以呢D盃賽, 俾二線兵證明自己身價. 宜家點睇都係證明緊點解二線兵係二線兵  [表情]
Tsimikas第一球真係差到, 個種大意...... [表情]  (2023-11-10 05:22) 

森美卡斯真係典型養尊處優，坐到唔識踢既例子。

freezefox:森美卡斯真係典型養尊處優，坐到唔識踢既例子。  (2023-11-11 07:56) 

今日好少少, 純攻擊方面, 可能同Brentford同我地玩對攻有關, 多咗空間出波. 防守上都係大鑊, 單對單時佢馬步真係唔多穩, 輕輕撞一撞就跌或失平衡, 好驚下. 有波係腳又係, 俾人迫一迫又係易甩.  

作為二線左閘, 其實加盟咗咁多年, Klopp應該都知佢成長有限, 27歲了. 攻守都麻麻下, 我諗最起碼應該考慮換一個可以踼多個位置的, 好似阿記咁, White能踼RB/CB, Tomiyasu能踼RB/LB等等.

posouth:今日好少少, 純攻擊方面, 可能同Brentford同我地玩對攻有關, 多咗空間出波. 防守上都係大鑊, 單對單時佢馬步真係唔多穩, 輕輕撞一撞就跌或失平衡, 好驚下. 有波係腳又係, 俾人迫一迫又係易甩.  [表情]
作為二線左閘, 其實加盟咗咁多年, Klopp應該都知佢 .. (2023-11-13 12:27) 

希望佢生生性性啦。 加盟幾年，宜家係佢最多出場機會既一段時間，都唔好好表現既話，佢真係可以收工的了。