G-shock:有什麼分別？
(2024-12-05 16:19) 
成個FORM 都唔同哂啦。
之前睇坦克啲波，你係唔知佢想做咩的。球員亦都唔知自己應該點踢的。
宜家係有比較明確既套路，但個別球員做唔到領隊既球求。個別球員又經常犯一啲不能接受既低級錯誤。咁呢個就要時間慢慢執了。 坦克剩返落嚟既爛攤子，新領隊完全無時間執。一坐低就要比賽。基本上，佢宜家係一路執，一路打，一路比人鬧。但都無計。呢個過渡點都要捱過去。
但你會睇到，迪亞路終於出頭了。 呢個明明季初一直打得好好既球員，長期比坦克埋沒既人材，得到應有既重用。
兩個中鋒都搵到佢哋適當既位置了，賀龍也好，施亞斯也好，都清楚地展現佢哋係球會入面應有既作用。
好多人都話曼聯唔適合打三中堅，我又唔覺得喎。佢宜家最大鑊係左翼衞長期缺人。 只要搵啱一個人，填返好呢個位，咁其實 352 也好，咁343也好， 3421也好，佢都應該夠人擺。
其實，現實少少，今季唔好理咩成績，一場場睇曼聯有冇改變，有冇進步。贏波輸波唔重要，排幾多唔重要。 新領隊最少要一個轉會窗先執到一兩件救命草。要兩三個轉會窗先有可能買齊腳。無咁快可以上返去的。
