今周車、阿、利、紐等主場球隊外，另一大熱當數到作客既熱刺。正如之前所講，熱刺今季打法同上季好唔同，無左巴利令佢唔可以再倚賴係一個球員身上，變成一人球隊，對成隊波既整體發展反而更好。全部既整體發揮變得更重要。雙防中既陣勢，有利熱刺係中場加強截擊能力！我今季暫時無咩點睇熱刺，所以好難評論個別球員既表現，但感覺上，熱刺整體實力係有所提升，而最令人「擔心」既係，呢個提升始乎仲只係岩岩開始。熱刺既潛力可謂無限。
但作為YFF 遊戲既選擇，熱刺最大既問題係太多選擇。球員太多，同一位置上有兩個甚至三個替補，你都唔知佢會出邊個。正選陣容個個星期有變動。我相信連 AVB本人都未決定邊個先係佢既最佳陣容。今周大熱肯定係艾堅遜，一加盟就已經穩奪正選之位。負責處理全部死球、角球！係球隊既大腦！以今季YFF 既設計黎睇，呢類球員都係首選既對象。價值有如阿仙奴既奧斯爾。暫時睇，佢既正選應該都隱隱陣陣（希望啦，都係個句，熱刺太多人了，咩都有可能發生）。其他既熱刺中場，抱歉，真係唔識睇。全部要留係觀察名單。睇多兩場先會知領隊既最後選擇。特別留意唐辛，呢個球員，短炒尚可，長渣不宜。點解？因為佢係YFF 既角度黎講，真係無敵，夠哂獨食！拎分就一定係靠呢類球員。但係球隊既角度，佢分分鐘係破壞全隊波整體發揮既罪魁禍首。我唔知AVB 會點用佢，但如果我係AVB，我唔會容許隊波入面有一個咁鬼獨食既球員。所以，長遠計佢係咪一直會有正選，真係天曉得。
所以，暫時黎睇，熱刺最抵買既球員，都係後場防守球員。維東漢好貴，但貴得黎值！雜分多得很！獲加分數比維東漢更高。就算平平地用多臣，分數亦很可觀。今周如果唔想買阿仙奴或利物浦既後防既話，考慮下熱刺。
籠門洛厘斯，$10咋
