"模擬足彩"討論區! (內含規則與玩法種類, 此topic歡迎吹水及交流心得) [復制鏈接]

引用第29樓kch於2006-09-02 00:18發表的“”:
咩其他賽事？

我計英超, 你計其他

咦........唔可以咁分喎

如果可以任串, 唔可行喎

引用第30樓雷文鳳於2006-09-02 00:19發表的“”:
我計英超, 你計其他 [表情]

只限馬會受注賽事喎……

引用第32樓kch於2006-09-02 01:18發表的“”:
只限馬會受注賽事喎…… [表情]

果時馬會未開混合過關

而家開左

如果係我開
我都會做混合過關

總之簡簡單單馬會有得玩乜，呢度就玩得……

就得啦

我要拎曬文鳳副身家

引用第35樓奧脫福於2006-09-02 09:32發表的“”:
我要拎曬文鳳副身家 [表情]

靠我副身家分分鐘第一週就要結業啦......

依家搵緊大水喉射住!

引用第36樓雷文鳳於2006-09-02 09:43發表的“”:
靠我副身家分分鐘第一週就要結業啦......
依家搵緊大水喉射住!

正 我要拎曬佢

我要玩~~~~~~~~~~~~

攪清楚一樣野先：點解要攪足彩？有咩目的？

等大家唔敢去賭錢既有機會試下賭錢哎？定係純粹等大家多個話題可以討論吹水？

其實攪到咁大做咩者？有得玩咪好囉。


老老實實，真係賭波既邊個有興趣同你賭好友元。入黎個d，都係想攞下彩，show 下quality者。係過程中，大家有得討論，呢個版既價值先存在。你賭英超波，我都仲可以搭下咀，嘩呢隊近排好差喎表現。嘩，個隊已經三連勝啦喎。疑？邊個邊個fit喎，首名入球一定係佢啦。咁先有計傾架嘛。你賭荷甲喎……講完個隊名之後仲可以講咩？賠率呀、往績呀，全部死既資料。睇報紙都睇到啦。有冇討論既價值先？

玩得太雜太煩，普通既會員根本唔會入黎玩。個陣你都見啦，一場利記阿仙奴大戰。大k走去開莊，成班平時唔識賭唔會賭既都落番註。大家鬥下牙較。支持自己隊波又好，互串一番又好。幾熱鬧，幾開心呀。一場波已經可以好好玩啦，駛咩開百幾場波出黎，大家只係落注，比錢，收錢……中間全無交流，無人出句聲既。做就做餐死！一個星期計賠率計呢計路，用哂d時間係d事上面。值唔值先？

你賭英超意甲個班頂級聯賽，都仲可以話考眼光哎。話哂可以望番場波，你賭到德甲荷甲……成個好友有幾多人會睇呢d聯賽（有！不過好少……）。好多人真係連隊球隊個名都未記得清，淨睇賠率齋賭。

咁……呢個版就只係提供一個「學賭錢」既平台咋喎。大家無野可以傾架喎。你睇番以前足彩個陣，個場係旺架。人人都有人入黎落注架。但同時個場又靜英英喎。個個入黎落完注就走。無咩人真係會討論下既。無火花既。咁既旺場，除左令主辦者豬籠入水外，仲有咩好處？

有冇得賭中超?

引用第39樓freezefox於2006-09-02 10:06發表的“”:
攪清楚一樣野先：點解要攪足彩？有咩目的？
等大家唔敢去賭錢既有機會試下賭錢哎？定係純粹等大家多個話題可以討論吹水？
其實攪到咁大做咩者？有得玩咪好囉。
.......

德甲其實都可以賭既…

開英西意德囉…

四大聯賽開鑼，再加英冠，蘇超，荷甲，德乙．．．．．

馬會通常星期六，日開百幾場波，再加主客和，首名入球，半全場，讓球，入球大細．．．．．

ｄ工作量簡直天文數字，如果你不盡量限制玩法，就真係做死人

文鳳牙文鳳...
有乜玩乜做死你都似牙...
個人認為開4大聯賽已經足夠.........
得閒咪開埋國際賽囉...

無錯, 玩四大聯賽+歐聯,歐協,國際賽果d已經好夠皮啦