巴塞一直都係諗住踢返自己就算數，所以其實教練真係要慶幸班球員今場交到貨…
即係其實巴塞好似就係一盤捉棋既殘局咁，係唔郁架啦，睇你點贏佢咁
車仔o係針對巴塞既同時可以打返自己既特色
即係穩守，唔單只係守，係要令到對面進攻只能o係外面，攻唔到入去，之後打返自己最殺食o個套反擊
令到巴塞做唔到佢套防守系統 - 全場緊逼
因為巴塞班中場效率高，但速度唔係快
即係反而你慢慢黎佢仲冇咁驚，因為佢敢全場逼你
而費sir好刻意只係針對巴塞同時冇一套有效進攻巴塞既戰術…
最終當一開始巴塞發揮唔到又先入左一球之後就已經亂七八糟
頭十分鐘，巴塞入唔到局，曼聯既4-2-3-1，冇錯，就係因為對面唔多ok，佢頭十分鐘攻得起
十分鐘最重要既唔單只係入波，更加係巴塞入到局，同埋曼聯亦急左
而呢個時間就突顯左，少左一個中場，對守巴塞既影響，亦帶黎攻唔到巴塞既問題
防守
Hiddink當時係安排兩隻翼去防守對面既翼鋒，兩隻閘係會幫手既同時係某程度上移左入中間D既位置
即係，三個中場中/防中去逼巴塞中場，兩隻翼去逼兩隻閘，四個防守球員，基本上可以好自由地幫任何一邊
而同時因為咁，令到中間好多人，亦都逼到巴塞嘗試去兩邊
去兩邊，車仔就唔怕啦，更加好守，因為明知巴塞翼鋒唔多落底
同時由於逼到巴塞用唔到全個球場，守佢就更加容易
即係見到車仔既防守系統，總之就係唔畀空間巴塞o係重要位置發揮
而費sir既安排
4-2-3-1，理論上，一落黎係4-4-1-1，又或者傑斯再落多D既4-5-1
但無論如何，同車仔既4-5-1既分別係，曼聯冇左一個正式可以用黎防守既中場
即係令人懷念既費查，又或者令人嘆息既夏格維斯，抑或令人無言既史高斯
就係因為卡域克又或者安達臣其實都唔係本身做呢個工作既球員
變左守o個陣，冇一個可以有一個有能力清波既球員
中間，唔夠守，傑斯o係中路防守既能力絕對係幫唔到中間另外兩個
係年紀、活力、定係佢o係中路防守既適應度，我就唔知
肯定既係要守邊路同守中路既分別係好大…
中路影響邊路，當中路三個冇辦法去守對面三個，變左中間可以有空間畀巴塞，咁佢梗係發達
今場空位多，佢可以用盡球場，同對車仔一入肉就插針插唔入爭好遠
中間有得玩，變左中路邊路都可以發難
即使朗尼Park返黎助守，翼鋒都仲可以交得返波畀中路
呢樣就係曼聯守唔死巴塞但車仔得既原因
進攻，曼聯o係水準以下係一個問題，兩隊o係進攻理念既唔同亦帶黎兩個唔同既效果
車仔因為兩翼都快，加上有個target man杜奧巴，有本事去到三個前面攻巴塞四個後防
之後全世界返到黎啦，車仔進攻既球員已經去到三鋒+兩中場+兩閘
咁呢個情況，正正就可以令巴塞由前逼到後焗對手失波既系統唔work
尋日場波見到曼聯o係後場傳緊波既時候巴塞成六個中前場全部o係前面同你逼搶
即係呢套野
對車仔用唔著
尤其係車仔好清晰既4-5-1至4-3-3既陣形
亦都講到，曼聯點解攻唔到
就係因為想搓，交波唔準
尋日都見到，曼聯打反擊其實巴塞有D驚，因為巴塞用唔到個中場守曼聯
即係曼聯冇反擊，同時亦因為意圖針對巴塞咁踢，唔用hea碧
係，佢係hea，但佢實際上有能力畀到壓力巴塞中堅
上場Yaya其實已經表現到佢做中堅既話個位置感其實一般，都有D唔係幾知自己中堅應該點走動
今場其實都有個幾驚既解圍失敗
即係曼聯冇利用到上場車仔反映到畀佢地知既Yaya漏動、守反擊既不穩
好簡單，即係試圖防守上針對而進攻就打自己o個範
係，係好正常，如果唔係因為防守需要而排出個咁既陣既話
好似明知C7唔肯返落黎守，做唔到Hiddink o個套防守但又冇理由放佢後備所以搵佢踢前鋒咁
即係如果hea碧o係度，C7 R10肯守，其實除左中場中之外都可以行到Hiddink防守系統
當然，費sir冇理由要咁
但事實上咁出係有機會令到反擊更加有本錢，而hea碧技術上亦可以有護波分波能力…
起碼D波有個target man，唔會咁容易因地面傳送水準差而好快被逼失，即係多範波打
當地面傳送好明顯唔夠黎既時候高空攻勢同快速突擊既支援點就係hea碧既用途…
咁點都好，半場，覺得應該要攻
其實好多人都講，傑斯係失蹤架喎，攻D波未到佢就畀巴塞逼甩左，守佢其實又幫唔到幾多
而半場，好明顯，中場冇晒，基本上輸晒
可以做既
1.唔踢中場，大腳炸佢
2.加強中場，因為巴塞上半場搓到順晒，應該要守返穩左控返住個波再突擊
唔收埋傑斯，其實真係係費sir唔夠膽
收安達臣，係，佢踢得唔突出，但出Tevez…
前面一樣冇高度，一樣做唔到D咩反擊架咋喎
睇落，Giggs落左去踢本身真係費查踢o個個位
Rooney右翼，Park左翼
守，當然，預期之內，選擇攻，中場更加唔駛旨意搶
但都係Giggs問題，要佢派牌ok，但拍卡域克就真係搵卡域克笨
卡域克係有能力派牌既
而踢左半場既Giggs更加冇氣，中場變左更加係由卡域克一個去搶晒
當然，預左
但守，等，攻，其實某程度又真係因為等到拎唔到波搞到前鋒都係要返後搵波…
但亦都係搵唔到波
其實到呢刻諗返，要o係巴塞班球員拎波，唔守好唔畀壓力既話其實真係發夢…
連拎波機會都唔多
當然，拎到波，都一樣畀巴塞中場逼
呢個就係因為根本前面冇條件接後面大腳送上去既波…
要慢慢傳，巴塞返晒黎啦，變左佢守，係用中場+後防黎守，唔同曼聯只係用後防線畀壓力
咁自然Sylvinho Yaya冇咁驚
因為可以慢慢黎嘛
Pique打得sharp，其實不無因為中間D人唔夠高，D傳中都唔敢去到咁高…
到Berbatov出黎啦
其實唔到幾個攻勢就已經2:0…
成隊波就已經唔到費sir控制…
除左失波之後第一個攻勢之後都已經唔知踢緊D咩
亦都冇乜可以提…成隊都疊埋心水咁
即係費sir，唔好話同Hiddink比
輸，係輸在
1.隊波D中場唔夠人逼，同Hiddink爭好遠
2.隊波試圖用同一個風格去攻而不成既情況下原來冇第二個路線去攻
過於單調得黎又唔係好似車仔穩守突擊一招就已經夠玩，雖然車仔既穩守突擊既內文唔係易搞
所以幾個疑問
1.點解唔出史高斯而非傑斯黎搶中場
2.點解唔出hea碧要搵C7踢前鋒
3.點解半場明知輸中場都仲係Tevez出黎而非hea碧
我會奇怪係咁多…
即係打完呢
我唔知點解自己會有心機去打呢個topic囉
