rika_lauyinni
884 likes
5h
rika_lauyinni最後一場比賽終於完結了，講返少少場比賽，我並非刻意打對方後腦，我個角度係睇唔到，佢好醒目即刻用後腦擋拳令我被扣分，而第二 round 食左好多拳之後，第三局我唔敢同佢落地，因為已經筋疲力盡而對方仲好有力氣，當時好驚拳，佢真係好大力，我盡左最大..最大努力了，抱歉令大家失望。最後，由於部分是非話題矛盾係因為這場比賽和受傷而引起，我想作為當事人，總結一下。從節目見到，受傷後我真心沒有怪責對方，當時有稱讚對方打得好，力氣大亦係訓練成果之一，我有主動擁抱，係基於尊重和體育精神，但爆發點係賽後在化妝間休息，我和幾位朋友聊天，講笑自己變了花面貓，Winkie 走過來表情和語氣帶有挑釁性：「Rika, 對唔住啊，其實我唔想打你架，我已經留左手架啦」x 3 次。這轍底觸及我個人底線，我覺得好不受尊重和憤怒，一係態度語氣問題、二係你短短幾秒幾拳打到咁傷絕對無留手，我亦唔需要你留手，重我 12 磅又不停地話只重我幾磅，我當時已經不想回應。從來都沒有責怪過她重手，因為係我自己無保護好自己，我當時亦回應她：「沒有怪責過你在擂台上的一切。」這個挑釁對我而言係臨界點，我真係忍夠啦而爆發，每個人都有自己的原則。盡管之前有許多磨擦發生，例如訓練時所有人都係遵從教練指示用 5 成力對打，講明點到即止，卻只有她一人用盡全力，甚至打傷阿旦個嘴流血發紫，練習打傷人係好過份既行為！我當時都嘗試去明白其實每個人的思維方式不同，之後見面也有繼續打招呼和說話，沒有什麼不和。其他的磨擦也沒有必要細數，好多事情局外人難分對錯，只有立場。我亦明白對方承受了許多輿論壓力，我只能總結一句：好多人的最大問題就係覺得自己無問題，「我係咁架啦」去面對一切事情。希望她日後待人處事會更好，祝福她。我亦都會檢討自己有哪些不足地方。
關於打面和傷勢 （最後回應返 d 新聞）
從頭到尾我都知道自己最輕磅，比賽會最容易受傷，所以唔洗同我講 ''預左''。我想強調一件事，從來無人講過唔可以打面！只係有人有目的性地將罪名強加於某些參賽者身上，繼而攻擊。我自己受傷後真心沒有怪責過對方，我知道係自己無做好保護。我亦承認當時第一次眼看自己傷勢嚴重有少許情緒失控，哭係因為怕有後遺症，至今約五個月後，飛蚊症還在，左手中指彎曲、條腰經常隱隱作痛。整個節目最大遺憾係比賽前已經有腰傷，令我戰爭力廢左一半，無得發揮自己最大實力，非常遺憾，無人會明白嗰種無奈。盡管好多傷，但沒有後悔，係人生好寶貴的經歷。我記得在《G1》記招訪問當天，一句說話表達不清，只係陳述自己被壓在擂台上眼鼻中了幾拳受重傷之後留有陰影，並不是在責怪對手，可能自己表達方面令人誤會，繼而不停地成為攻擊對象，我會好好地檢討自己。如有人說我放大傷勢來博同情，我想說憐憫之心，人皆有之，唔係博就會有，如果有人因拍攝節目而傷到咁，我都會好心痛，正常人都會吧？我亦明白好多人說話好刻薄，不能控制別人，只能做好自己。如有人說我想紅、想博上位，所以需要付出代價，行動勝於雄辯，《G1 格鬥會》將會係我最後一個節目，之後會退出娱樂圈，過返自由、平凡的生活。我做的每一件事情都有自己的想法和目標。最後，真心好多謝所有支持過我，留過言俾我既朋友，多謝你地讓我受了傷也感受到溫暖 💕 #G1格鬥會
