今屆世界杯真係輸死唔少賭仔。最主要原因係，第一ROUND 既賽果都好正路。除左荷蘭大炒西班牙，德國大炒葡萄牙呢類比較令人意外既賽果外，其他巴西、德國法國、阿根廷等等既賽果都係比較正常。傳統勁旅外，其他二線球隊既賽果亦多屬意料之內。智利勝澳洲，科特迪瓦勝日本，瑞士勝厄瓜多爾，比利時勝阿爾及利亞………等等。所以第一ROUND 時不時都聽到有人羸錢收錢既留言。
去到第二ROUND，呢類留言明顯少了很多。事實上，我每日飲茶聽到同枱或者隔離枱既，都係搣飛之聲！甚少聽到有人羸波。最慘係，好多係第二ROUND 仲輸突埋第一ROUND 所賺既。原因好簡單。第一ROUND 好多時大家都會有所保留。始終未見到隊波既真實表現。小試牛刀，發現場場都有錢羸，自然愈賭愈大。去到第二ROUND ，有「往績」可尋了。上場伊朗對尼日利亞先0:0 ，對阿根廷仲唔比人大炒？阿根廷對波斯尼克都入到兩粒啦。伊朗唔會勁得過波斯尼亞者。上場德國大炒葡萄牙四球，仲唔係今屆最有冠軍相既球隊？對葡萄牙都入四粒，對加納唔會少得過三粒啦！結果，一場又一場令人意外既賽果展現眼前。準冠軍巴西零入球下賽和墨西哥；西班牙不能再輸的情況下再輸比智利；荷蘭千辛萬苦先險勝澳洲一球；意大利竟然輸比哥斯達尼加；短短幾日，將之前羸既輸番哂出去有突。原本以為塵埃落定既16 強名單，諗住最多都係估錯一兩隊既名單，第二ROUND 未打到一半都已經衰左了。打完之後發覺自己原來都錯得幾緊要。今屆世界杯唔易估呀。
