[澳紐]澳洲旅遊一問 [復制鏈接]

Obadiah:剛剛先見到，我之前係布里斯班讀左三年半書，亦都有去過Sydney, Melbourne同Tasmania 旅行[表情]
 (2018-07-13 06:01) 

嘩！好耐無見！


正呀，又多個人可以問路。

Obadiah:Lone Pine 其實好細，不過就可以餵下袋鼠，抱下樹熊，同樹熊影相咁
反而北邊有個Australia Zoo，係Sunshine Coast個邊，好似話係全澳洲最大ge動物園，不過我就未去過了 (2018-07-13 06:04) 

我知LONE PINE 比較細。但因為第一日朝早六點到布里斯本，攪下租車呀，入城CHECK IN 放低行李，食埋早餐，岩岩好佢開門。佢又近巿中心，半個鐘車程唔駛。第一日揀佢會無咁辛苦。唔駛開太耐車。係個邊玩完又可以返酒店抖下，係巿中心行下。


AUSTRALIA ZOO 唔順路。一來一回車程太遠。我今次主要集中係布里斯本同黃金海岸一帶玩。唔會北上了。否則成個行程又要由頭執過。


其實黃金海岸個邊都有另一個動物園。大過LONE PINE 好多。真係唔夠喉既，過幾日再去埋個個囉。但去得太多動物園又驚D 野重重複複………

啊，原來由布里斯本去AUSTRALIA ZOO 都係一個鐘頭車多少少咋喎。咁又唔係太遠喎。有得諗喎。



如果我一落機，唔入城，直接開車去，咁唔駛一個鐘都去到添。仲可以用盡朝早D 時間。諗諗佢先。

Obadiah:華納 Movie World 同Dream World 係兩回事黎的
Movie World 係主要睇佢D show，黎如batman打壞人，同batman，justice league D 角色影下相，睇下點樣拍汽車特技咁
咁當然都會有機動遊戲啦，但係好似我唔鐘意機動遊戲ge都啱玩的
....... (2018-07-13 06:09) 

華納應該唔係太大，但dream world 好似大得好緊要。又動物園又機動遊戲。我覺得好似首爾個個愛寶樂園。


其實東南亞好多呢類主題公園。日本有迪士尼、環球影城、首爾有愛寶樂園、加敕比水上樂園，泰國個個地方都有幾個大型水上樂園。有時心諗，如果去到澳洲，又係玩番呢幾樣野，咁同去日本、泰國真係無咩分別。仲要貴成倍添。


所以其實想去d 有少少特別，有d 唔同既景點。多少少大自然氣息既，多d 野外活動之類。



暫時我考慮緊去摩頓島住兩晚。但check 番黎個價錢貴到嚇死人。亦都想去O'Reilly's Rainforest Retreat  住兩日，體驗下熱帶雨林既樹屋生活。

想體驗野外活動不如租架房車周圍去 都幾好玩架
就係累d

icebati:想體驗野外活動不如租架房車周圍去 都幾好玩架
就係累d (2018-07-13 13:31) 

會租車架。有諗過住係d 莊園呀，campsite 呀之類架。有冇好介紹？

freezefox:華納應該唔係太大，但dream world 好似大得好緊要。又動物園又機動遊戲。我覺得好似首爾個個愛寶樂園。
其實東南亞好多呢類主題公園。日本有迪士尼、環球影城、首爾有愛寶樂園、加敕比水上樂園，泰國個個地方都有幾個大型水上樂園。有時心諗，如果去到澳洲，又係玩番呢幾樣野， .. (2018-07-13 09:53) 

摩頓島我淨係去過一日遊，但都玩得開心的，風景靚，又可以餵野生海豚

仲可以玩滑沙，浮潛同越野四驅車

如果你去開南邊，又唔怕早起身

Obadiah:摩頓島我淨係去過一日遊，但都玩得開心的，風景靚，又可以餵野生海豚
仲可以玩滑沙，浮潛同越野四驅車
 (2018-07-13 21:03) 

即日遊我又覺得太趕。而且好唔抵。淨係船票都講緊80澳幣一個人。成四舊幾五舊水。我由黃金海岸搭飛機飛去悉尼都係差唔多價咋大佬！去一去個島淨係船飛成家人都要駛兩千蚊………


本來最好就係兩日一夜。偏偏聖誕節檔期佢要連住三晚先比你訂！早排搵到間代理可以拎到連住兩晚既PACKAGE ，唔駛被迫係島上留三日，算係SECOND BEST 既選擇了。



但真係好鬼貴……………

Obadiah:如果你去開南邊，又唔怕早起身 (2018-07-13 21:05) 

係咪未打完？

freezefox:係咪未打完？[表情] (2018-07-14 10:21) 

打完佢出唔到🙈🙈

打多次

freezefox:打多次[表情]  (2018-07-15 06:58) 

打左但係食字，我FB搵你傾？

可以比埋啲相你睇下，不過都差唔多5年前了

其實有個地方名就得。睇下近唔近先。