港貧富差距全球最懸殊 [復制鏈接]

每月領取五千多元單親綜援的陳女士指，因一對兒女尚幼而無法外出工作，每月兩童額外的學習費用，已令他們每人每餐不過十元，更遑論讓兒女參加課外活動。她更指因家貧，遭到鄰居及其他家長白眼，終日留家避開他人歧視目光，形容自己幾近成隱蔽人士。她現只希望政府關注「跨代貧窮」問題，增加兒童的學習津貼，如上網費、實報實銷的書簿津貼等，讓下一代拾回自尊，早日脫貧。

我感到好'蠶鬼...

引用第38樓freezefox於2009-10-23 14:56發表的“”:
你真係傻仔黎既。全港得佢一個賣家，得我一個買家？ [表情]
.......

咁咪即係買平左.....

引用第41樓freezefox於2009-10-23 15:03發表的“”:
個topic 明明講緊窮人，點解講講下講到買樓賣樓？ [表情] [表情]

咪係……

不過講返呢個堅尼系數用黎衡量貧富差距，其實都有好大問題。呢個系數係以家庭收入作為單位，人口老化、退休家庭既增加、家庭人數既減少等等都會增加低收入家庭，拉高呢個系數。但係其實好多呢類家庭本身唔係真正貧窮……

引用第47樓火鳳凰於2009-10-23 15:20發表的“”:
咪係……
不過講返呢個堅尼系數用黎衡量貧富差距，其實都有好大問題。呢個系數係以家庭收入作為單位，人口老化、退休家庭既增加、家庭人數既減少等等都會增加低收入家庭，拉高呢個系數。但係其實好多呢類家庭本身唔係真正貧窮……

我有時懷疑，我地排第一唔係因為我地太多窮人，係因為我地太多有錢人。

社會流動性
香港回歸封建社會指日可待

引用第42樓jin於2009-10-23 15:07發表的“”:
容許我問什麼是賣樓補地價？ [表情]
.......

香港有居屋同夾屋兩類公家樓。即係政府起既。佢會以巿價折讓某個百分比黎賣比一d 「有需要」既人士。當然，要有入息限制。唔係人人都可以申請。


但若然你將來要賣樓，咁你就要「補地價」，即係比番當初政府折讓比你個部分。但係要以當時既時價計。未完成補地價既手續，你係唔可以賣樓既。

引用第48樓freezefox於2009-10-23 15:57發表的“”:
我有時懷疑，我地排第一唔係因為我地太多窮人，係因為我地太多有錢人。 [表情] [表情] [表情]

呢個系數仲要唔計積蓄，唔計資產，唔計投資收入，所以好多有錢佬都變成係零收入，計左去「貧窮」一族……

不過高收入人士真係好多又係真既……

引用第44樓sun於2009-10-23 15:13發表的“”:
窮人想成為業主...是很遙遠的事...

咁之前有個醫生都話佢買唔到樓架。




其實要睇你所講既「窮」係點窮法。相對李生，我都係窮人。但我亦比好多人富有。窮同富有係相對既。若然你講既窮係指最窮個十幾個% 既人，咁當然啦，佢地連基本維生都有困難。又點買樓？


但若然只係一般「不是富有人家」，咁要做業主都唔係咁難達到既夢想既。公居都係賣緊三幾十萬之嘛。只係你會唔會買者。情況同個位醫生一樣，佢非不能，不願也！


而最諷刺既一點係，好多時，你本來唔窮，但係因為買左樓，你先窮…………

引用第51樓火鳳凰於2009-10-23 16:04發表的“”:
呢個系數仲要唔計積蓄，唔計投資收入，所以好多有錢佬都變成係零收入，計左去「貧窮」一族……
不過高收入人士真係好多又係真既……

好似李嘉誠咁，好多時董事酬金只係拎幾千蚊一年，係堅尼系數之下，絕對係超級「貧窮」……

我都算係零收入「貧窮」一族……

引用第52樓freezefox於2009-10-23 16:07發表的“”:
其實要睇你所講既「窮」係點窮法。相對李生，我都係窮人。但我亦比好多人富有。窮同富有係相對既。若然你講既窮係指最窮個十幾個% 既人，咁當然啦，佢地連基本維生都有困難。又點買樓？
.......

係堅尼系數既計算方法，你比李生有錢得多……

呢個時候.......大家睇返當年彪哥講既野啦

http://www.youtube.com/watch?v=fy3y3vuEn6w

引用第50樓freezefox於2009-10-23 16:02發表的“”:
香港有居屋同夾屋兩類公家樓。即係政府起既。佢會以巿價折讓某個百分比黎賣比一d 「有需要」既人士。當然，要有入息限制。唔係人人都可以申請。
.......

瞭解，增長知識了~~~

其實我最想講既係………貧富懸殊，係一種不公義既現象。


而呢種不公義，並唔係由政府，或一小撮「奸」商，一少部分人所造成。係整個社會既問題。係我同你都有份參予。責任，亦唔係由一少部分人或政府負責。其他人甚至窮人自己好多時都有責任。佢地唔係一定係「受害者」。好多窮人之所以窮，係因為後生個陣唔好好努力，或者唔識積蓄防飢，原因有好多。當然亦有一出世就係窮人既情況，絕對不可一概而論。我地要問自己，當你面對不公義既時候，你可以做d 咩，你會做d 咩。有時即時係如何微小既事情，即使係買支旗，買張獎卷，比錢個乞兒，幫個小朋友義務補習，參予義工工作，助養兒童…………個小小既力量，都有可能改變世界…………


淨係叫政府比錢係解決唔到問題。我地要做既係思考如何令佢地可以靠自己「脫貧」。

引用第55樓tc2218於2009-10-23 16:11發表的“”:
呢個時候.......大家睇返當年彪哥講既野啦[表情] [表情]
http://www.youtube.com/watch?v=fy3y3vuEn6w

結果彪哥咪選擇去做制造更加多不公義個個囉。

引用第53樓火鳳凰於2009-10-23 16:08發表的“”:
好似李嘉誠咁，好多時董事酬金只係拎幾千蚊一年，係堅尼系數之下，絕對係超級「貧窮」…… [表情]
我都算係零收入「貧窮」一族…… [表情]

不過就算堅尼系數幾唔準確都好，事實放在眼前，香港既貧富懸殊既情況係的確頗嚴重的。