引用第37樓謝拉傑於2010-04-14 23:33發表的“”:
我想問大家通常第一支鏡要買咩鏡好呢?
學E版話齋，要睇你打算投資幾多錢，同埋主要用途係咩喎。大概有以下幾個情況：
1. 愈簡單愈好，一鏡走天涯。
有D 人唔想成日換鏡頭，亦唔打算用太多錢買太多鏡頭。所以會考慮買天涯鏡。即係個焦距範圍好闊個陣。CANON 計，18-200 會係其中一支焦距最闊既天涯鏡。優點係成象算幾銳利（某D 光圈同焦距計），有防手震功能（IS，對遠攝鏡而言十分重要），覆蓋範圍廣，可用性大。無論係廣角影風景，標準焦距影人象，長距離遠摄，甚至微距近攝（最近拍攝距離好似係0.4M），真係應付到你百份之九十九既日常需要。完全唔需要換鏡。真真正正一鏡走天涯。
但唔好處係：1. 十分重。咩住佢行街都幾係野。2. 光圈唔夠大。18MM先會有F3.5，基本上，ZOOM埋少少個光圈已經去到4 甚至5………嚴格黎講，室內一定要加閃燈。3. 成象雖然唔算，但比起D 紅圈鏡就梗係差一級。D 相出黎放大後你會見到唔夠利，顏色唔夠出。想更上層樓，一定要換鏡。4. 略貴。新鏡要四千幾蚊，二手都要三千六到。唔算平囉。但一支鏡等如人地兩支鏡，咁計埋條數都唔係貴既。
18-200 外，CANON 仲出左支18-135。呢支都屬於天涯鏡。係無左135-200 呢段你唔係成日會用到既焦距。所以都夠你日常生活所用。呢支會輕好多，攜帶方便。亦會平少少，三千幾蚊（你唔好彩，我上星期就用二千蚊賣左我支比個朋友，早知你要就留比你）。成象方面同個支18-200 差唔多。即係，用重量用1000蚊換取135-200 呢個焦距。
其實唔一定要買原廠鏡。騰龍有支天涯鏡都唔錯。性價比幾高。18-270。個焦距仲要多原廠個支成70MM（但呢段既焦距既成象其實好差下，你真係無咩必要都唔會用到）。價值又平一截，好似都係三千幾。成象唔會差得過原廠鏡。其實都可以考慮。不過因為唔係原廠，對焦個陣有時唔係太得心應手。尤其唔夠光個陣，可能對黎對去都對唔到。
