[日本]北海道札幌美瑛富良野星野小樽8天遊 [復制鏈接]

Alan0502:麵包超人館收17:30去到都好趕下... (2018-06-29 19:37) 

係喎, 收1730實去唔到

ODIN:有wor...
不過，我睇D blog，出面睇完牛仔，入去餐廳就鋸牛扒...[表情]
....... (2018-06-29 18:12) 

好多都係咁

freezefox:0835 新榮之丘展望公園, 美馬牛小學校, 四季彩之丘 (呢3個地方應該係附近, 之間的車程全部10分鐘內)
不過又咁講…………LIST 出黎無所謂，但實際，兩個鐘頭，我恐怕你連一個四季彩之丘都行唔哂。佢地D 花田係堅係勁大架！由呢一邊去另一邊，要坐車架！ (2018-06-29 17:53) 

呢個就正正我遇到既問題, 就好似早幾個月同阿爸阿媽一齊去沖繩, 基本上每個景點都overrun.

如果真係每個景點都係要長時間, 咁好可能四季彩, 千代田, 青池, 彩香之里, marche跟住就星野

myrmidon:呢個就正正我遇到既問題, 就好似早幾個月同阿爸阿媽一齊去沖繩, 基本上每個景點都overrun. [表情]
如果真係每個景點都係要長時間, 咁好可能四季彩, 千代田, 青池, 彩香之里, marche跟住就星野 (2018-06-30 00:12)

有老有幼，無可能唔OVER RUN


其他唔駛講，去完一個景點，走人啦，上到車然後阿仔話急尿，又落番車帶佢去洗手間。去完洗水間番黎，阿媽又話急屎要去大，又要再等一等（「咁頭先阿仔去疴尿個陣你唔去埋？」「咁頭先唔急哎嘛！」）。攪一攪，一粒鐘無左。


你以為我講笑？真珠都無咁真。我上次同幾家人去旅行，就係經常出現呢類情況。坐係到成個鐘唔去厠所。一話走就個個先話要去厠所。都算，唔係一齊去。係呢個去完，等到佢番黎，另一個先話我又要去！又再等！真係你諗到你諗唔到都會發生。

我話比你聽，D太太們，可以係一間豆泥到喊既超級巿場逗留一個鐘！你真係唔知佢點解可以行咁耐。成間野一眼睇哂！D 貨又舊又殘。但只要係超巿！用你一個鐘無難度！


便利店買雪糕都可以買半個鐘呀！死未！唔好問我點解，我都唔知點解。反正入一入便利店，出番黎己經係半個鐘之後了。所以你話比半個鐘佢地入去某間鋪頭行下，食下野？少年，你真係太年輕了。行下同買下野同食下野各半個鐘就差唔多。即係個半鐘呀。計少左你架啦。

好多時，明明之前嚴重OVER RUN，後面要追番D 時間，你已經千叮萬囑大家要行快兩步，唔係入黑之前返唔到酒店。


大家「知道！知道！」咁應你。然後由樂園行去停車場個幾分鐘路程，用左你半個鐘！


點解？


阿A 話想同呢舊野影張相喎。OK，影啦影啦！

阿B 話未見過呢隻公仔呀！OK，買啦買啦！

阿C話要去一去厠所！OK，快啦！快啦！我係車到等你。









OK 啦嘛！齊人啦嘛？上哂車啦嘛？走得架啦嘛？我開車啦！



咪住！咪住！！！副黑超呢？我副黑超係邊？！哎呀⋯⋯⋯漏左係間餐廳到呀！！！等等我，等等我，好快好快！我馬上會返黎！SORRY！SORRY！


然後，太陽下山了⋯⋯⋯⋯

freezefox:好多時，明明之前嚴重OVER RUN，後面要追番D 時間，你已經千叮萬囑大家要行快兩步，唔係入黑之前返唔到酒店。
大家「知道！知道！」咁應你。然後由樂園行去停車場個幾分鐘路程，用左你半個鐘！
....... (2018-06-30 01:04) 

睇文字都諗到個情景係點

myrmidon:綜合各方好友既意見, 討論, 決定改一改美瑛富良野, 同小樽既行程.
大家幫幫手睇下會唔會太趕~
Day 4
....... (2018-06-29 17:43) 

剩係新榮之丘展望公園同四季彩之丘加埋可以磨左你5個鐘會唔會分d比day2同day3去

freezefox:好多時，明明之前嚴重OVER RUN，後面要追番D 時間，你已經千叮萬囑大家要行快兩步，唔係入黑之前返唔到酒店。
大家「知道！知道！」咁應你。然後由樂園行去停車場個幾分鐘路程，用左你半個鐘！
....... (2018-06-30 01:04) 

我會西佢地面

睇字都覺得勞氣

不過今次只係自己一家大細, 最終決定權喺我度, 應該無咁灰既

Alan0502:剩係新榮之丘展望公園同四季彩之丘加埋可以磨左你5個鐘[表情]會唔會分d比day2同day3去 (2018-06-30 15:49) 

我預喺美瑛富良野得2日
一日要去上雪山, 旭山動物園.
雪山係我要去, 無得skip
動物園係細路要去, 無得揀

剩番第2日南下去星野

myrmidon:我會西佢地面 [表情]
睇字都覺得勞氣 [表情]
....... (2018-06-30 20:59)

你點西你兩老面呀？



老人家同小朋友都係無得控制的。

freezefox:好多時，明明之前嚴重OVER RUN，後面要追番D 時間，你已經千叮萬囑大家要行快兩步，唔係入黑之前返唔到酒店。
大家「知道！知道！」咁應你。然後由樂園行去停車場個幾分鐘路程，用左你半個鐘！
....... (2018-06-30 01:04) 

咁咪由得佢overrun lor...

去旅行又唔係返工打卡...

ODIN:咁咪由得佢overrun lor...
去旅行又唔係返工打卡... (2018-07-03 10:35) 

所以我之前都話，景點LIST 多幾個出黎，無問題。到時自己執生。

OVER RUN，可以無問題。但可以好大問題。

舉例，我自己最擔心既問題係，因為唔知到要控制時間，攪到夜左，要入黑之後係日本既荒山野嶺趕路。咁就已經唔係一般OVER RUN 既問題了。係直接影響你既生命安全既問題。

唔係自駕既話，OVER RUN 隨時會死人的。因為係某D 地方，你一誤左尾班車，你真係叫天不應，叫地不聞的。

仲有另一個情況係，舉例我當日SET 左三個景點。每程車程一個半小時左右。順順利利咁去，一D 都唔辛苦。駕駛亦安全。

但當第一個景點你嚴重OVER RUN，你又唔適當地修正之後既行程。你有可能出現最後一程車要連續開兩三個小時無得停既情況。


當你一大朝早起身去玩，玩左大半日，玩到攰哂，然後仲要開兩個幾三個鐘車返酒店。老實，又係關乎自身安危既問題。唔係單單玩唔玩得哂D 景點既問題了。

宜家唔係單拖背包客。有老有幼，一家大細。安全問題不能不考盧的。

為趕時間，不自覺地，一百咪既路開到百二三咪，都係會提高左潛在既風險的。




當然，你全部景點都係附近。圍住黎玩，黎黎去去都唔會離開間酒店有幾遠。咁當然唔駛咁緊張。一齊可以隨心。

freezefox:你點西你兩老面呀？
....... (2018-06-30 21:19) 

自己兩老都會架....
外父外母就唔敢

每日景點最好係3-5個左右最好最舒服,太多會好辛苦同埋唔似係享受旅行